Марий самырык театр тудым чапле концерт дене иктешлен (на марийском языке)

Театрын артистше-влакын концертыштым ончаш эреак кумыл уло. Вет тиде тыглай мурымаш, куштымаш гына огыл, а чумыр тургым жапыште сценыште шындыме у спектакльла гыч ужаш-влакым кўчыкын модын ончыктат, шкешотан иктешлымаш ышталтеш.

Марий Элын культура, печать да национальность паша шотышто министрын икымше алмаштышыже В.И.Актанаев министерство лўм дене артист-шамычлан Почетан грамота-влакым икте почеш весым кучыктыш. Артист-шамыч тидыжым усталыкышт дене суленыт. М.Шкетан лўмеш национальный театрын директоржо Ю.П.Русановат театр лўм дене тауштымашан Чап кагаз-влакым кучыктен кумыландыш. Театрын шукертсе поро йолташыже - "Плес" фирма. Тиде чапланыше марий фирмын генеральный директоржын алмаштышыже А.Е.Васильев артист-влаклан: Н.Четкаревалан, А.Васильевлан, К.Аникиналан - чапле фирменный пєлек-шамычым пуэдыш.

Марий самырык театрын 17-ше тургымжо сай лектышан ыле, манаш лиеш. Драматург З.Долгован пьесыж почеш "Висвис пушан орлыкем" спектакль зрительын чонжымак савырен. Тулык марий йоча-шамычын пўрымашышт тыште келгын радамлалтеш. А актер А.Кожевников кандаш ияш изи икшывын рольжым, образыш пурен, сайын почын пуымыж дене ойыртемалтын. Тиде спектакль гыч ужашым артист-шамыч тургымым иктешлыме касыштат модын ончыктышт.
Премьера ыле эртыше тургымышто "Алвар и Тень" йомак. Тудо рушла шындалтын.

Кодшо тургымыштак бенефисшым эртарымыж дене эшеат чот волгалте актриса Ирина Петухова. Ты касыштат тудо "Любовь - книга золотая" спектакльыште Княгинян рольжым почын пуыш. Эрвел такмак-влакымат Марий Элын сулло артистше Б.Дмитриевын гармонь дене шоктымыж почеш шергылтарыш.

Марий самырык театр Шернур кундемысе калык дене пенгыде кылым куча. Район администраций денак культура кыл шотышто договорым пенгыдемдыме. Садлан тургымым иктешлыме дене саламлаш Шернур район администраций вуйлатышын алмаштышыже Н.А.Матвеев толын ыле. Театр тургымым иктешлыме концертыш калык шын-шынак чумырген.


Ю.Григорьев, "Марий Эл"

Снимкыште: куштымаштат рольым модын моштыман.

Читайте также:

Комментарии

  1. uploading konta...
    The no aggravated lyophilized desacetyl cardiacas of the valsartan/hydrochlorothiazide uploading konta premium in mice, agudas and hulls were 600/188, 100/31 and 3/1
ВОЙДИТЕ, ЧТОБЫ ОСТАВЛЯТЬ КОММЕНТАРИИ