Аснаукӧн керасьны оз позь

Визинын олысь Василий Раевскийлы, кодӧс аснаукӧн вӧрын керасьӧмысь РФ-са уголовнӧй кодексысь 260-ӧд статья вылӧ подуласьӧмӧн Сыктыв районса суд мыждӧма условнӧя, ковмас мынтыны матӧ 96 сюрс шайт. Кыдз тыдовтчӧма такӧд йитӧдын панӧм уголовнӧй делӧсӧ туялігӧн, таво январын Василий Раевский тӧдӧмӧн оланпас торкалӧмӧн аслас тӧдсаыскӧд аснаукӧн кералӧмаӧсь Визинса лесничестволӧн угоддьӧысь пожӧм, коз да кыдз пуяс. Сы вылӧ видзӧдтӧг, мый Раевский пыксьӧма аслас «грекысь», Сыктыв районын Россияса МВД-лӧн юкӧнса следственнӧй отделын уджалысьяс сылысь мыжсӧ эрдӧдӧмаӧсь.

"Коми му" газет серти

Регион: