Гажа юра? Гортад пукав!

На лыдысь кыкыс — Ухтаысь, ӧти — Усинскысь да куимыс — Сыктывдін районысь. Ставныс — том мужичӧйяс. Республикаса Госавтоинспекция ӧтторъя ӧлӧдӧ Комиын олысьясӧс, мый оз позь пуксьыны руль сайӧ код юрӧн. Татшӧмъяс пондаыс торйӧн нин тшӧкыда сулӧ туй выв неминучаыс, кӧні чорыда да весиг кувмӧныс доймалӧны оз сӧмын найӧ асьныс, но и, рӧкыд вылӧ, на шӧрӧ веськалӧмаяс, тшӧтш и челядь. Жаль, но, тыдалӧ, оз на мӧрччы юыштны радейтысьяслы РФ-са Уголовнӧй кодексысь 264.1-ӧд статьяыс, код серти мӧдысь гажа юрӧн руль сайӧ пуксьӧмысь шуӧма перйыны 200-300 сюрс шайт штрап либӧ мырдӧн уджӧдны медунасӧ артыштӧмӧн 480 час. Судлӧн шуӧм серти татшӧм мыж вӧчысьсӧ вермасны весиг пуксьӧдны дзескыдінӧ.

Юӧртӧ "Коми му" газет

Регион: