Гриппысь уколасьӧм

Комиын гриппысь уколалісны матӧ 40 сюрс мортӧс. Медводз бурдӧдысьяс ветлісны республикаса став больничаас. Гриппысь вакцина вӧчалӧны пӧшти став бюджетнӧй котырас. Миян регионын привика вӧчан кампания заводитчис водз - август помын нин, мед артмас шымыртны кыдз позьӧ унджыкӧнӧс, мед эськӧ эпидемия дырйи йӧзыс эз вись. Уколсӧ вӧчӧны дон босьттӧг быд поликлиникаын. Нӧшта таво медводдзаысь кутас уджавны и вакцина вӧчан передвижнӧй пункт. Уджалас сійӧ октябр помӧдз. Спецавтомобиль позяс аддзывны «Макси» вузасян шӧрин дорын.

Юӧртӧ "Юрган" радио

Регион: