КӦРТ АЙКА МЕД ВИДЗАС?

Казьтыштам, коми мифологияса геройлысь кӧрт мыгӧрсӧ заводитісны вӧчны дорччысьяслӧн кольӧмвося фестиваль дырйи на. Арт-объектлы эскизсӧ вӧзйис Санкт-Петербургса серпасасьысь Александр Сушников. Но сэки уджсӧ эз вӧв помалӧма. Таво сентябрын Александр бара на волӧма Кӧрткерӧсӧ, отсалӧма сэтчӧс кузнеч Игорь Усачёвлы «сигӧртны» проектсӧ. Октябрын волонтёръяс мавтӧмаӧсь Кӧрт Айка мыгӧр сімӧмысь видзан краскаӧн. А кольӧм субӧтаӧ, Дорччысьлӧн лун водзвылын, сійӧс сувтӧдӧмаӧсь районса войтырӧн бӧрйӧм местаӧ — юрсиктлӧн пыранінӧ.

"Коми му" газетлӧн юӧрысь

Регион: