Мед эз эндыны муяс

Та йылысь Каналан сӧветын чукӧртчылӧм дырйи юӧртіс видз-му овмӧсса министрӧс вежысь Наталья Колбасюк. Талун Комиын эндӧм ыбыс 34,6 сюрс гектар. Тайӧ – став град-виддзысь джын мындаыс. Град выв пуктас вӧдитны, турун ытшкыны, анькытш да зӧр кӧдзны позьӧ сӧмын 13 сюрс гектар вылын. Регионса минсельхоз топыда уджалӧ Швейцарияса, Израильса, Венгрияса да мукӧд странаса бизнес петкӧдлысьяскӧд, медым найӧ вӧрсялӧм-рассялӧм видз-ыбъяс весалӧм-кералӧм да мелиорация нуӧдӧм могысь вичмӧдісны унджык инвестиция. Быд во арталӧны «ловзьӧдны» 500 гектар эндӧм му. 2017-ӧдын нин та могысь регионса сьӧмкудйысь чуктӧдасны 20 миллион шайт.

"Коми му" газетлӧн юӧр

Регион: