Медбур овмӧсъяс

Кӧрткерӧс районса Вомынын Наталья Ветошкиналысь овмӧс Комиын шуисны медбурӧн. Республикаса минсельхозын кывкӧрталісны ас овмӧсъяс серти конкурс. Ордйысис таво 23 кӧзяйство. Натальялӧн овмӧсас 6 мӧс, 20 кукань, ӧти вӧв, 17 гортса пӧтка. Кӧрым заптӧм вылӧ да быдтас босьтны эм куим трактор, гӧр, 2 ытшкан машина, турун гартан машина, картупель босьтан. Семьяыс вӧчӧ йӧв, рысь, нӧк, яй. Градвыв пуктасъяс налӧн ставыс аслас жӧ. Унджыкторсӧ вӧчӧны ярмангаяс вылын вузӧс вылӧ. Мӧд места босьтіс Адзерӧмысь Владимир Конаков, коймӧд инын Интаса Ягъёльысь Екатерина Сметаниналӧн овмӧс. Ставныслы сетасны сьӧма козин.

"Юрган" радио юӧр серти

Регион: