Сетасны сьӧм небӧг лэдзӧм вылӧ

Комиын Минкомсвязи кӧсйӧ отсыштны сьӧмӧн регионса небӧг лэдзысьясӧс. Ӧні век на мунӧ грантъяс вылӧ конкурс, сійӧ помасяс август 15 лунӧ. Грантъяс сетсьӧны социальнӧ колана литература йӧзӧдӧм вылӧ. Та вылӧ бюджет вичмӧдӧ 3 да джын миллион чӧлкӧвӧй. Вермысьясыс лоӧны тӧдсаӧсь сентябрын нин. Тӧдчанаяс лыдын челядьлы литература, краеведческӧй, историческӧй, культурнӧй, чужан му дорӧ радейтӧм чужтысь гижӧдъяс. Таво сьӧм сетсьӧ и дзоньвидза олӧм пропогандируйтысь литература вылӧ. Грантъяс серти унджык юӧр позьӧ аддзыны министерстволӧн сайтысь. "Юрган" радио юӧр серти
Регион: