Шоныд рыт

Декабр медводдза лунӧ искусствояс гимназияса сцена вылын лоас благотворительнӧй концерт. Став чукӧртӧм сьӧмыс мунас коми кывъя газет-журнал районъясса школаяслы, библиотекаяслы да садъяслы судзӧдӧм вылӧ. Нӧшта сьӧмсӧ позяс сетны и том поэт Татьяна Кирпиченколы лейкозысь бурдӧдчӧм вылӧ. Тайӧ концертыс мунас мӧдысь нин. Колян во артмис чукӧртны сё квайт сюрс чӧлкӧвӧй. Акцияӧ пырӧдчылісны и нималана политикъяс, найӧ тшӧтш сетісны сьӧма отсӧг. Концерт вылын петкӧдчасны Альфия Коротаева, Вера Булышева, «Сполохи» ансамбль, «Томлун», Асъя кыа да «Зарни ань». Билетъяс позяс ньӧбны печать керкаысь.

"Юрган" радио юӧрысь

Регион: