Воркута вермас кольны ватӧг

2010 воын нин пӧ, норасис Госсоветын Воркутаса ЖКХ-ын юрнуӧдысь Владимир Тищенко, водоводыс вӧлӧма позьтӧм лёк. И быд здук вермас лоны неминуча, коммуникацияяс киссясны, и Воркута дзикӧдз коляс ватӧг. Коми минстройысь Николай Нестеров пасйис, мый республика со 5 во нин корсьӧ тайӧ дзоньталӧм вылас инвесторъясӧс, но некод оз босьтчы. 2010 воын кӧ лыдпасыс вӧлі 2 да джын миллиард чӧлкӧвӧй, то ӧні сьӧмыс колӧ 4 пӧв унджык нин. Республика вермӧ вичмӧдны сӧмын 100 миллион чӧлкӧвӧй. Чукӧртчысьяс локтісны кывкӧртӧдӧ, мый тайӧ юалӧмсӧ колӧ пыртны ЖКХ серти Россияса госпрограммаӧ да и водзӧ корсьны инвесторъясӧс.

"Юрган" радио юӧрысь

Регион: