Войвывса спартакиада

Воркутаса мэр Игорь Гурьев пасйис, мый венласьӧм вылас волас 19 карысь спортивнӧй команда. Спартакиада мунас октябр кызь кӧкъямысӧдсянь ноябр квайтӧд лунӧдз. Спортсменъяс петкӧдчасны дас нёль спорт сикасын. Таво медводдзаысь лоӧ пыртӧма автоспорт да пуляӧн лыйсьӧм. Нӧшта бӧр ловзьӧдӧны тэквандо серти том йӧзлысь орйысьӧмъяс. Автоспорт серти венласьӧмъясӧ ас машинаясӧн кӧсйӧ пырӧдчыны 7 карысь 7 команда. Карса мэр сідз жӧ юӧртіс, мый став спортобъектыс дась спартакиада кежлӧ. Нӧшта ӧтик вежсьӧм пыртіс спартакиадаӧ поводдя: лым абутӧм вӧсна кӧръяс вылын ордйысьӧмъяс вуджӧдісны ноябрь помӧ, буретш сэки Воркутаын пасйӧны кар лун.

Юӧртӧ "Юрган" радио

Регион: