ВЫЛЬ ВОӦ — ВЫЛЬ ПАСӦН

Неыджыд кадколастӧн вӧлі вӧзйӧма кызь гӧгӧр удж. Землячествоын водзмӧстчысьяс бӧрйисны сӧмын витӧс. А медбур вӧснаыс шуисны гӧлӧсуйтны «ВКонтакте» Эжва катыдсалӧн лист бокын. Вежон сайын лои тӧдса, коді вермис конкурсас. Тайӧ Максим Борин. «Ме ачым Сыктывкарысь, но мамӧй чужлӧма Кулӧмдін районса Помӧсдінын. Ичӧтдырйи ме тшӧкыда ветлывлі сэтчӧ гӧститны. Верстямми да, мыйдыракӧ уджалі речфлотын, некымынысь кайлі катерӧн Немдінӧдз. Дженьыда кӧ, бура тӧда вылыс эжвасалысь оласногсӧ», — пасйис серпасасьысь. Вермысьӧс нимӧдасны таво декабрь 3 лунӧ Кулӧмдін землячестволӧн «Эжва йывса Выль вося.ru» концерт дырйи.

Юӧртӧ "Коми му" газет

Регион: