Помoсдiнлы - 300

Дона ёртъяс: и олöма йöз, и верстьö, и томулов - ставнытö, кодi олö Помöсдiнын, и кодi чужан позйысъ овмöдчис мукöд муö, став сьöлöмсянь чолöмалам Тима Веньлöн чужанiнлы 300 во тырöмöнi Помöсдiнлы - 300 во! Эжва йывса медся мича сиктлöн тайö сöмын на верстьö кад. Вынйöра, ыджыд киподтуя да зiль, гажа олан лада, кыпыд да мыла сьыланкывъя, ас дорö сибöдан мывкыда - татшöмöн, Помöсдiн, тэ пырöдчан талунъя олöмас, тшупан челядьлысь аскиа лунсö, кутан лача бур олöм вылö. И он весынöрö. Верстьöлы - верстьö и мог. А, сiдзкö, эм зумыд эскöм, мый и водзö ог эновтöй да вежавидзöмöн кутам сöвмöдны вöр пöрöдöм, медым унджык лэдзны сыысь прöдукция да нажöвитны олöм вылö сьöм, кутам збыльмöдны и бокситъяс перйöм кузя панас да ог эновтчöй видз-му уджысь. Сиктлöн аскиа луныс - став тайö уджсö бергöдöм сайын, верстьö и, торйöн нин, том йöзлöн писькöс вежöр сайын. Вай жö ставным öтувъя лолöн босьтчам да водзö нимöдам муса Помöсдiн сиктнымöс! Пыдди пуктана войтыр, сиам быдöнлы лада олöм, дзоньвидзалун, долыд сьöлöм шуд! "Кулöмдiн" муниципальнöй районса юралысь - администрацияöн веськöдлысь - А.П.ЮДИН. "Кулöмдiн" муниципальнöй районлöн депутатъяс Сöветса юрнуöдысь - А.А.КУЗНЕЦОВА. Пöся чолöмала Помöсдiнса войтырöс ыджыд пасöн - сиктлы 300 во тырöмöн! Мича да гажа ягö, сöстöм ю бокö пуксьöма коми сикт, кöнi олöны пöсь сьöлöма, зiль да уджач йöз. Куим нэм чöж нимöданныд да сöвмöданныд чужанiн, венанныд уна сьöкыдлун, велöданныд челядьöс пыдди пуктыны ас чужан му, чужан кыв да коми оласног. Паськыда тöдсаöсь да Коми муöс нимöдöны Помöсдiнса быдтасъяс - коми кывлы да литературалы подув пуктысьяс Вениамин Тимофеевич да Иона Тимофеевич Чисталёв вокъяс, академик Владимир Николаевич Старовский, СССР-са народнöй учитель Александр Васильевич Уляшёв да уна-уна енбиа йöз. Дона помöсдiнсаяс! Сиа ставныдлы кузь нэм да бур шуд, ыджыд вермöмъяс уджын. Мед водзö сöвмö, ёнмö гажа Помöсдiн! Бур сиöмöн - Госсöветса тiян депутат А.С.БЕЗНОСИКОВ. газета Парма гор (Голос пармы)