Шаерын но палэнын улись удмуртъеслэн али но азьпал улонзы "Удмурт кенешлэн" бадзым отчамаз радъямын луыны кулэ вал

Шаерын но палэнын улись удмуртъеслэн али но азьпал улонзы "Удмурт кенешлэн" бадзым отчамаз радъямын луыны кулэ вал. Нырысети вамыш лэсьтэмын, быръемын выль торо — Николай Мусалимов. Солэн нимыныз удмурт калык бадзым малпанъессэ герза шуимы ке, ум янгышалэ. Соин гинэ овол, воштисьесыныз но. 11-тиез бадзым отчам бере люкаськылиз Пичи кенеш. Кенешемзы бере калыкын трос вераськонъес ветлизы. Азьвыл чакламъя куинь вице-президентъёс луыны кулэ ке вал. Шодтэк шорысь Пичи Кенеш бырйиз ньыльзэ.

Удмурт калыклэн бадзым отчамаз шаерысь но мукет улосъесысь 500 пала делегатъес люкаськылизы. Валтись муг — выль торо быръен. Ваньзы сямен куаразэс сетизы Николай Мусалимов понна. Соин чош 11-ти отчаме люкаськылэм депутатъеслэн дэмланзы пусйымон — "Удмурт кенеш" ассоциацилэсь статуссэ катэн юнматоно. Солы луыса, котькуд огазеяськон быдэсъяны кулэ луоз отчамен юнматэм пуктэтъёсты. Портэм вераськонъес жутскизы Пичи Кенеш люкаськылэм борсьы. Отын торолы воштисьес бырйыны но азьланяз ужан радлыкез эскерыны кулэ вал. Николай Мусалимов вице-президентэ чектиз Валентин Тубыловез, Татьяна Ишматоваез но Валериан Никитинэз. Пичи Кенешез бугыртиз Ирина Шеда-Зорина. Кышномурт туж зол ужаны мылкыд каремзэ возьматиз.

ИРИНА ШЕДА-ЗОРИНА : «Оскиды ке туннэ, кидэс жутиды ке, мон шып гинэ пуко. Керетись адями овол мон, кин адзиз монэ керетыса. Программаос трос лэсьтэмын 90 ар чоже. Со программаосысь одиг пункт ке но быдэстэмын луысал ке — овол. Асьмеос ведь план гожтиськом, кызьы кулэ сое улонэ пычатыны».

90 овол, но берло 4 ар чоже программаослэн улонэ пычамзы понна кыл кутэ Ирина Шеда-Зорина но. Та дыр чоже со ужаз ни вал вице-президент луыса. Бускель улосъесын улись удмуртъесын кусып воземез но валамон.

ВЛАДИМИР ЗАВАЛИН, ЙОСКАЛЫК ПОЛИТИКАЯ МИНИСТР: «Солэн ужез сыче — ужано удмуртъесын кудиз уло мукет диаспораосын».

Озьы шодтэк-шорысь торолэн 4 вице-президентэз луиз. Одиг адямилы тросгес яке одиг адямилы ожытгес — ужзылэн пайдаез гинэ мед луоз.

Елена Слесарева, "Мынам Удмуртие" телеканал

Читайте также:
ВОЙДИТЕ, ЧТОБЫ ОСТАВЛЯТЬ КОММЕНТАРИИ