Таксисту в Сыктывкаре не понравился «непонятный» коми язык

В Сыктывкаре таксист отказался везти пассажиров из-за того, что они говорили между собой на коми языке. 

Пызьдінысь он писькöдчы

Удора районса Пызьдінысь олысьяс уна во маитчöны, сиктсяньыс Косланöдз туйыс дзик шогмытöм да. А медся лёкиныс – Дзиб-ю вомöн пу пос, коді Пöлянин да Сісьтыдін грездъяс костын. Вöчлöмаöсь пö сійöс кызьысь унджык во сайын да бурасö некор на абу дзоньтавлöмаöсь. Корсюрö пö сöмын веркöссö шыльöдыштасны, а пыкöдъясыс дзик сісьöсь. Он и тöдлы, поскыс рупмунас-киссяс, да ветлысь-мунысьыс вит метр джуджда гуранö усяс...

А МИЯНЛЫ — «БАБИЙ БУНТ»
Комиысь опера да балет театр лöсьöдчö выль 59-öд сезон кежлö. Кольöм середаö дум-кöсйöмнас журналистъяскöд юксисны театрын зільысьяс.
Енсянь козин

Сюзяыбысь Ольга да Александр Габовъяслы Коми Республикалысь Чужан лун пасйигӧн Енмыс сетӧма зэв ыджыд козин — август 19 лунӧ чужӧма нылук, Милана. Кодкӧ, гашкӧ, шуас, тайӧ лунъясӧ татшӧм шудыс пӧ эз сӧмын налы ло. Но ӧд кагукыс Габовъяслӧн чужӧма гортас, а бабитчӧма ачыс батьыс! Ольга да Александр ӧні куим челядя бать-мам.

Кӧсйисны, да несйисны...

Кольӧм вежонӧ Кӧрткерӧс районса Ыджыдвиддзын сёрнитісны, кытчӧ инавны дзолюкъясӧс, сиктас детсадйыс абу да. Йӧзкӧд аддзысьлісны районса администрацияысь да велӧдан юкӧнысь чинаяс.

Таво сентябрын вуджасны?

Мылдінысь мама-ныла полӧны, мый ӧти асылӧ найӧ оз садьмыны, на вылӧ киссяс керкаыс да. Кыкнанныс инвалид. Мамсӧ весиг парализуйтӧма, да вит во нин куйлӧ. Шогмытӧм керкаын овны сьӧкыд, висьталӧ 59 арӧса Светлана Голованова. Тӧвнас патераас зэв кӧдзыд. Шонавлӧ пӧ 3-7 градусӧдз. Эм эськӧ и ас пач, но ломтыны оз лысьтны, потласьӧма да.

Сикт-грездад уджалысьыд колӧ
Кӧрткерӧс районын олысьяс майшасьӧны, Шойнаты сиктын пӧдласьӧ Сыктывкарса автомеханическӧй техникумлӧн филиалыс да. Кытчӧ мунны велӧдчыны ӧкмыс класс помалысьяслы? Шогӧ усьӧмаӧсь бать-мам. Водзынсӧ трактористӧ, шоперӧ, пусьысьӧ позьӧма велӧдчыны чужан сиктас. Дерт, вермасны лэччыны юркарӧ. Но шойнатыса шуӧны, мый карын велӧдчӧмыд – содтӧд рӧскод.
Енмыс кӧ сетӧма сям

Коми Республикаса Юралысьлысь удж вӧчысь Сергей Гапликовлӧн жырйын ӧшалӧ «Кӧрт Айка» серпас. Рисуйтӧма сійӧс Шойнатыысь Валерий Нечаев. Зарни киа мортлысь тайӧ уджсӧ чина аддзӧма Кӧрткерӧсын дорччысьяслӧн гаж вылӧ волігӧн. —Ми Сергей Анатольевичкӧд дыр эг сёрнитӧй, — висьталіс Валерий Александрович. — Тыдалӧ, сійӧ мудзӧма нин вӧлі. Неуна висьтышті сылы Кӧрт Айка йылысь.

Чипсаныд Сибырӧдз шыалӧ

Луздор районса Сернӧсысь «Чёрнышские чипсанистки» фольклор котыр петкӧдчӧма войтыркостса «Мир Сибири» этно шылад да ремеслӧ кузя фестиваль-конкурсын, коді вӧлӧма Красноярск крайса Шушенскоеын. Коми сиктса артистъяс чуймӧдӧмаӧсь жюриӧс сьыланкыв-частушкаӧн да чипсанӧн ворсӧмӧн и лоӧмаӧсь лауреатӧн.

Кор туруныд сьылӧ