Чилимдiн сиктын юнь 27-öд лунö мунас том войтырлöн «Ми» нима районса фестиваль. Кыдз юöртiс районса администрацияын уджалысь Ирина Истомина, тайö гажсö нуöдöны сиктас коймöдысь. Фестиваль вылö локтасны 18-35 арöса сьылысь-йöктысьяс да творческöй котыръяс. Быд конкурсант вермас петкöдчыны кык номинацияын. На пöвстын: «Вокал», «Хореография», «Инструментальнöй музыка» да «Оригинальнöй жанр». Та кындзи, таво медводдзаысь пыртiсны «Фольклор» номинация. Районса фестивальлöн участникъяслы да вермысьяслы вичмасны дипломъяс да козинъяс. Призъяс ньöбисны 2007-öд — 9-öд вояс кежлö «Чилимдiн районса том войтыр» муниципальнöй уджтас серти торйöдöм сьöм вылö.
Коми народное радио