1883-ти арын 10-ти коньывуонэ Марий Элысь Карлыган гуртысь тодмо миссионерлэн Кузьма Андреевлэн пичи гинэ корказ усьтиськиз но ужаны кутскиз нырысетиез удмурт школа. Татын дышетскизы нырысетиез удмурт нылкышно кылбурчи Ашальчи Оки, калыкмылэн югдытисьёсыз Максим но Михаил Проковьевъёс, Яков Ильин но удмурт калыклэн мукет тодмо — дано нылъёсыз но пиосыз. Туннэ Карлыганын школалэн усьтиськемез дырысен 125 ар тырмонлы сизем ужрад ортчиз. Отчы вуылиз удмурт шаерысь но делегация.
Мари Элькунысь Мари-Турек ёросысь Карлыган гуртысь нырысети удмурт школалэн калыкмылэн историяз но азинскон сюресаз туж бадзым интыез. Со кылдыкуз чакламын вал нимысьтыз удмурт гуртысь пиналъёслы тодон-валан сётон но соосты православилы дышетон вылысь. Арлы быдэ та школа пыр 50 пала удмурт нылъёс но пиос потылизы. Нырысети удмурт нылкышно кылбурчи Ашальчи Оки понна гожъяськыны кутсконаз но улонэз валаны дышон ласянь но Карлыган школа вунонтэм кылиз. Татын соослэн вал чылкыт чебер гожъяськонъя, арифметикая, инмарлы осконъя урокъёссы. Борысь со школаез ворсазы. Луиз со дышетисьёсты будэтись но дасясь школа. Татысь потылизы нырысетиосыз удмурт дышетисьёс.Соосты татчы 12 арес тырмыса басьтылизы. Дышетскизы 4-6 ар. Борысь школаосы дышетыны мынылизы яке выли тодон-валан басьтыны. Туннэ Карлыганын шор ёзо школа ужа. 200-лэсь тросгес пиналъёс полысь 80 котырез удмурт кылэз дышето.
Мари Элькунысь Мари-Турек ёросысь Карлыган гуртысь нырысети удмурт школалэн калыкмылэн историяз но азинскон сюресаз туж бадзым интыез. Со кылдыкуз чакламын вал нимысьтыз удмурт гуртысь пиналъёслы тодон-валан сётон но соосты православилы дышетон вылысь. Арлы быдэ та школа пыр 50 пала удмурт нылъёс но пиос потылизы. Нырысети удмурт нылкышно кылбурчи Ашальчи Оки понна гожъяськыны кутсконаз но улонэз валаны дышон ласянь но Карлыган школа вунонтэм кылиз. Татын соослэн вал чылкыт чебер гожъяськонъя, арифметикая, инмарлы осконъя урокъёссы. Борысь со школаез ворсазы. Луиз со дышетисьёсты будэтись но дасясь школа. Татысь потылизы нырысетиосыз удмурт дышетисьёс.Соосты татчы 12 арес тырмыса басьтылизы. Дышетскизы 4-6 ар. Борысь школаосы дышетыны мынылизы яке выли тодон-валан басьтыны. Туннэ Карлыганын шор ёзо школа ужа. 200-лэсь тросгес пиналъёс полысь 80 котырез удмурт кылэз дышето.
Ольга Ведрова, «Мынам Удмуртие» радио
