Улон сюресэз солэн туж вакчи вал. 44 ар гинэ. Но со дыр куспын но со туж трос лэсьтыса вуиз. Писательёслэсь огазеяськонзэс кылыдтон бордын тыршиз, «Гудыри» газетлэн редакцияз ужаз. Туннэ нуналэ но тунсыко луись произведениос гожтыса кельтиз. Ваньмылы тодмо солэн «Лозя бесмен» роман трилогиез.
Удмурт литература понна лэсьтэм ужъёсыз Григорий Медведевлэн дунъяны луонтэм бадзым. Татын гожтэм ужъёсызлэн лыдзы бордын ужпум овол. Ваплтисез, кызьы соос гожтэмын. Мар выльзэ гожтиз но мар выльзэ вераз аслаз лыдзисезлы. Со кылдытиз тунсыкоесь веросъёс но, «Лозя бесмен» роман-трилоги. Веросъёсыз 60-лэсь трос. Отын писатель тунсыко ужпумъёсты жутэ . Нырысь ик туж быгатыса возьматэ геройёсызлэсь пуш малпанъёссэс, адями кусыпъёсты. Писатель понна соос нырысети интыын вал, шуэ педагогика тодосъёсъя кандидат, литератураез эскерись Светлана Арекеева. Григорий Медведевлэн туж аспортэмлыко писатель кылыз. Со пыртиз ас палысьтыз, бигер палась, вераськетысь кылъёсты. Соин чош шодскымон зол узырмытиз удмурт литература кылэз. Григорий Медведев ас вакытсэ возьматиз. Гожтэм произведениосаз кылъёсын суредаса кельтиз историез. Тужгес но умой возьматиз гурт адямилэсь улонзэ, солэсь чиданлыксэ но выль улонэ кыстиськемзэ. Вань гожъяськемез чоже со музъем вылын ужась адямилы йыбырттиз.
Удмурт литература понна лэсьтэм ужъёсыз Григорий Медведевлэн дунъяны луонтэм бадзым. Татын гожтэм ужъёсызлэн лыдзы бордын ужпум овол. Ваплтисез, кызьы соос гожтэмын. Мар выльзэ гожтиз но мар выльзэ вераз аслаз лыдзисезлы. Со кылдытиз тунсыкоесь веросъёс но, «Лозя бесмен» роман-трилоги. Веросъёсыз 60-лэсь трос. Отын писатель тунсыко ужпумъёсты жутэ . Нырысь ик туж быгатыса возьматэ геройёсызлэсь пуш малпанъёссэс, адями кусыпъёсты. Писатель понна соос нырысети интыын вал, шуэ педагогика тодосъёсъя кандидат, литератураез эскерись Светлана Арекеева. Григорий Медведевлэн туж аспортэмлыко писатель кылыз. Со пыртиз ас палысьтыз, бигер палась, вераськетысь кылъёсты. Соин чош шодскымон зол узырмытиз удмурт литература кылэз. Григорий Медведев ас вакытсэ возьматиз. Гожтэм произведениосаз кылъёсын суредаса кельтиз историез. Тужгес но умой возьматиз гурт адямилэсь улонзэ, солэсь чиданлыксэ но выль улонэ кыстиськемзэ. Вань гожъяськемез чоже со музъем вылын ужась адямилы йыбырттиз.
Ольга Ведрова, «Мынам Удмуртие» радио
