Саранскын ортчем отчаме 32 улосъёсысь 160 пала делегатъёс пыриськизы. Озьы ик съездэ лыктэмын вал Финляндиысь но Венгриысь куноос. Тужгес но бадзым делегация вал Удмуртиысь. Кивалтиз соин Кун Кенешлэн тороез Александр Соловьёв. Куинь нунал чоже Россиысь финн-угор калыкъёслэн отчамзылэн делегатъёсыз шуг-секытъёсты сэрттизы-пертчизы но быдэстоно ужпумъёс сярысь кенешизы.
Кызьы утёно кылэз, мар кароно культураез азинтон понна, кызьы умоятоно Россиысь финн-угор калыкъёслэсь улонзэс. Вакчияк вераса, озьы пусйыны луоз отчамын эскерем валтись ужпумъёсты. «Финн-угор дунне улэп, со ужа, азинске, — сыче малпанзэ шараяз милемлы Москваысь делегат Светлана Смирнова. Со Удмуртиын йоскалык политикая удысын тыршыкуз но Росси Кун Думаысь депутат дыръяз но финн-угор калыкъёслэсь сюлмаськонъёссэс сэрттон-пертчонлы трос кужымзэ сётиз но али но со бордын рос-прос ужа. Светлана Смирнова зечен пусйиз, федерал кивалтисьёслэсь финн-угор калыкъёслэн ужпумъёссылы саклык висъямзэс. Съездлы вазиськон келяз Россилэн президентэз Дмитрий Медведев. Делегатъёс азьын сое лыдзиз кун азьмуртлэн Приволжск федерал округысь ужоскето адямиез Григорий Рапота. Озьы ик зеч уж сизьыса вазиськонъёс келязы Федераци Кенешлэн тороез Сергей Миронов, Кун Думалэн киватисез Борис Грызлов но Россиысь 30-лэсь ятыр улосъёслэн торооссы.
Кызьы пусйизы делегатъёс, шуг-секытъёсты сэрттон-пертчонъя уж мынэ, но сюлмаськонъёс трос на. Росси Кун Думаысь депутатлэн, «Удмурт Кенеш» огазеяськонлэн тороезлэн Николай Мусалимовлэн верамезъя, али кунамы овол йоскалык политикаын инъет луись кат. Озьы ик кулэ финн-угор калыкъёслэсь кусыпзэс юнматонъя нимысьтыз программа. Со ваньзэ ик финн-угор калыкъёсты мед огазеясал. Отчаме лыктэм делегатъёс сыче программа кылдытон сярысь вераськизы. Съездын Россиысь финн-угор калыкъёслэн ассоциацизылы кивалтон ёзэс бырйизы. Огазеяськонлэн кенешезлэн тороез луиз Мордовилэн культурая министрез Пётр Тултаев.
Президиуме Удмуртиысь куинь адями пыриз. Со Росси Кун Думаысь депутат, «Удмурт Кенеш» огазеяськонлэн тороез Николай Мусалимов, элькунысь йоскалык политикая министр Владимир Завалин но «Мынам Удмуртие» радио но телеканалысь удмурт передачаосъя валтись редактор Сергей Касаткин. Со сяна финн-угор калыкъёслэн ассоциацизылэн кенешаз быръемын «Удмурт нылкышно кенеш» огазеяськонлэн кивалтисез Надежда Степанова.
Россиысь финн-угор калыкъёслэсь вуонозэ отчамзэс Марий Элын радъяны чектэмын. Со луоз 2013-ти арын.
Кызьы утёно кылэз, мар кароно культураез азинтон понна, кызьы умоятоно Россиысь финн-угор калыкъёслэсь улонзэс. Вакчияк вераса, озьы пусйыны луоз отчамын эскерем валтись ужпумъёсты. «Финн-угор дунне улэп, со ужа, азинске, — сыче малпанзэ шараяз милемлы Москваысь делегат Светлана Смирнова. Со Удмуртиын йоскалык политикая удысын тыршыкуз но Росси Кун Думаысь депутат дыръяз но финн-угор калыкъёслэсь сюлмаськонъёссэс сэрттон-пертчонлы трос кужымзэ сётиз но али но со бордын рос-прос ужа. Светлана Смирнова зечен пусйиз, федерал кивалтисьёслэсь финн-угор калыкъёслэн ужпумъёссылы саклык висъямзэс. Съездлы вазиськон келяз Россилэн президентэз Дмитрий Медведев. Делегатъёс азьын сое лыдзиз кун азьмуртлэн Приволжск федерал округысь ужоскето адямиез Григорий Рапота. Озьы ик зеч уж сизьыса вазиськонъёс келязы Федераци Кенешлэн тороез Сергей Миронов, Кун Думалэн киватисез Борис Грызлов но Россиысь 30-лэсь ятыр улосъёслэн торооссы.
Кызьы пусйизы делегатъёс, шуг-секытъёсты сэрттон-пертчонъя уж мынэ, но сюлмаськонъёс трос на. Росси Кун Думаысь депутатлэн, «Удмурт Кенеш» огазеяськонлэн тороезлэн Николай Мусалимовлэн верамезъя, али кунамы овол йоскалык политикаын инъет луись кат. Озьы ик кулэ финн-угор калыкъёслэсь кусыпзэс юнматонъя нимысьтыз программа. Со ваньзэ ик финн-угор калыкъёсты мед огазеясал. Отчаме лыктэм делегатъёс сыче программа кылдытон сярысь вераськизы. Съездын Россиысь финн-угор калыкъёслэн ассоциацизылы кивалтон ёзэс бырйизы. Огазеяськонлэн кенешезлэн тороез луиз Мордовилэн культурая министрез Пётр Тултаев.
Президиуме Удмуртиысь куинь адями пыриз. Со Росси Кун Думаысь депутат, «Удмурт Кенеш» огазеяськонлэн тороез Николай Мусалимов, элькунысь йоскалык политикая министр Владимир Завалин но «Мынам Удмуртие» радио но телеканалысь удмурт передачаосъя валтись редактор Сергей Касаткин. Со сяна финн-угор калыкъёслэн ассоциацизылэн кенешаз быръемын «Удмурт нылкышно кенеш» огазеяськонлэн кивалтисез Надежда Степанова.
Россиысь финн-угор калыкъёслэсь вуонозэ отчамзэс Марий Элын радъяны чектэмын. Со луоз 2013-ти арын.
Фёдор Миннигараев, «Мынам Удмуртие» радио
