Татарстан республикаысь Кукмор ёросысь Вуж Каенсар гуртын вордскем удмурт пияш Миша Михайлов туэ йылпумъяз Удмурт кун университетысь журналистикая факультетэз. Тунсыко: диплом ужез сћземын вылэм «Удмурт дуннелы» - егитъёслэсь ужпумъёссэс газетамы сэрттон-пертчон амалъёслы. Дипломзэ утем нуналысен кема ик дыр ќз ортчы, Миша ачиз но егитъёслэн бамазы «воректыны» мылкыд кариз.
- Зэмзэ вераса, ноку ќй малпа, журналистикае сюрес лёго шуыса, - вера пияш. - Малпаськылћ удмурт филология сярысь. Но адњем кари вынылэсь Вова Ахметовлэсь. Со уго џапак журфакез йылпумъяз, та удыс сярысь мыным трос мадьылћз. Озьы мон басьтћськи гожъяськон борды. Ужъёсы потылћзы «Хэзмет даны» (бигер кылысь берыктыса - «Ужын басьтэм дан») ёрос газетамы. Но мон бигер кылын ќй гожъяськы. Та газетэз уго њуч кылэ берыктыса но потто, соин материалъёсме њуч кылын дасялляй. Журфакын дышетскыкум, «Хэзмет даныын» арысь аре практика ортчылћ. Вуылћ Кукмор, Мамадыш ёросъёсысь пќртэм интыосы. Тодам кылиз тунсыко пияшен Андрей Яковлевен пумиськылэме. Со йылпумъяз Алабгоысь (Елабуга) крезьгуръя училищеез. Пќртэм крезьгуро арбериосын шудыны пќрмытэ. Гитаразэ кутэ но, великаз пуксьыса, бускель гуртэ шонтэ. Отысь эшъёсызлы концерт возьматэ. Зэмос крезьгурчилэн кадь кузь лэзем йырсиез, эсьмаса, тќлъя тулкымъяське, - шуэ пияш.
Мукет ласянь но тунсыко та Миша. Со удмурт но њуч кылын кылбуръёс гожъя. Со гинэ мар! Кылбуръёсызъя кырњанъёс но кылдытэ. Ачиз ик соосты быдэстэ но.
- Школаын вужмем гитараосын шудыны дышетски. Нош витетћ курсэ вуэме бере анай-атае мыным кузьым лэсьтћзы - выль гитара басьтћзы. Тон, пе, дышетскондэ йылпумъяськод ини, осконмес ќд быдты, шумпоттћд. Табере гитарае зэмос эш кадь - котьку сьќрам, - пальпотэ Миша.
Кылбураны та пияш ќдъям, УдГУ-ын кыкетћ курсын дышетскыкуз. Џапак соку уго солэн сюлмаз яратон мылкыд каръяськем. Ма, огъя улон шоры учконэз но муромыны ќдъям. Озьы тћни вордскиллям нырысетћ кылбуръёсыз. Туннэ нуналлы солэн њуч кылын 40 пала кылбурез, удмурт кылын - 18, ваньмыз сямен ик кырњанлы пќрмемын.
Миша пичи дырысеныз ик крезьгур омырын кыдамын. Атаез, Сутэр починка шор ёзо школалэн директорез, мыло-кыдо ветлэ гуртысьтызы «Инвожо» ансамбле, баянэн шудэ. Мишалэсь крезьгур дуннее кыстћськон мылкыдзэ атаез бурдъяса возе, аслам, пе, уго ќз пќрмы быгатонлыкъёсме со удыслы сћземе. Мишалэн сюлэмызъя рок-крезьгур. Кырњан малпаськытћсь луыны кулэ, шуэ егит пияш.
- Капчи визьем, малпаськытћсьтэм кырњанъёсты мон кылзыны уг быгатћськы, - веранзэ азьланьтэ Миша. - Кельше Виктор Цойлэн творчествоез, озьы ик «Король и шут» но «Ария» группаос. Малпам кырњанъёсы но рок мылкыд улсын кылдэмын. Тани басьтом «Италмас» кырњанме. Сое гожтћ, «Италмас» легендаез лыдэ басьтыса, но туала шќмъем кари. Италмас нимо ныллы ќз кылды яратонэныз џош луыны, но со инмысь васькиз но сюриз кадь туала улонамы, шедьтыны но утьыны быгатћз яратонзэ. Та кырњанме ми диск вылэ гожтћмы Можгалась «Свет» огазеяськонлэн студияз. Куд-ог тодмоосы солэсь гурзэ мобильникъёсазы но пуктылћзы ни.
Егит пияшлэн мылкыдыз вань удмурт рок-группа кылдытыны. Ялон сётыса, со пумитам ни вылэм кык кузя мыло-кыдоосты. Соослы туж кельшиллям удмурт кырњанъёс. Но барабанэн шудћсез шедьтыны ум, пе, быгатћське, соин йырин группамы уг вордскы.
Азьланяз Миша Михайловлэн творчество пумысен трос малпанъёсыз. Но соосты быдэстыны уз дырты ай, вылды. Вуоно сћзьыл я тулыс армие кыскозы, дыр. Со пыр потэме бќрсьы улонме радъян борды кутско, мыньпотћз со.
Туспуктэмез В. Беломорскихлэн.
- Зэмзэ вераса, ноку ќй малпа, журналистикае сюрес лёго шуыса, - вера пияш. - Малпаськылћ удмурт филология сярысь. Но адњем кари вынылэсь Вова Ахметовлэсь. Со уго џапак журфакез йылпумъяз, та удыс сярысь мыным трос мадьылћз. Озьы мон басьтћськи гожъяськон борды. Ужъёсы потылћзы «Хэзмет даны» (бигер кылысь берыктыса - «Ужын басьтэм дан») ёрос газетамы. Но мон бигер кылын ќй гожъяськы. Та газетэз уго њуч кылэ берыктыса но потто, соин материалъёсме њуч кылын дасялляй. Журфакын дышетскыкум, «Хэзмет даныын» арысь аре практика ортчылћ. Вуылћ Кукмор, Мамадыш ёросъёсысь пќртэм интыосы. Тодам кылиз тунсыко пияшен Андрей Яковлевен пумиськылэме. Со йылпумъяз Алабгоысь (Елабуга) крезьгуръя училищеез. Пќртэм крезьгуро арбериосын шудыны пќрмытэ. Гитаразэ кутэ но, великаз пуксьыса, бускель гуртэ шонтэ. Отысь эшъёсызлы концерт возьматэ. Зэмос крезьгурчилэн кадь кузь лэзем йырсиез, эсьмаса, тќлъя тулкымъяське, - шуэ пияш.
Мукет ласянь но тунсыко та Миша. Со удмурт но њуч кылын кылбуръёс гожъя. Со гинэ мар! Кылбуръёсызъя кырњанъёс но кылдытэ. Ачиз ик соосты быдэстэ но.
- Школаын вужмем гитараосын шудыны дышетски. Нош витетћ курсэ вуэме бере анай-атае мыным кузьым лэсьтћзы - выль гитара басьтћзы. Тон, пе, дышетскондэ йылпумъяськод ини, осконмес ќд быдты, шумпоттћд. Табере гитарае зэмос эш кадь - котьку сьќрам, - пальпотэ Миша.
Кылбураны та пияш ќдъям, УдГУ-ын кыкетћ курсын дышетскыкуз. Џапак соку уго солэн сюлмаз яратон мылкыд каръяськем. Ма, огъя улон шоры учконэз но муромыны ќдъям. Озьы тћни вордскиллям нырысетћ кылбуръёсыз. Туннэ нуналлы солэн њуч кылын 40 пала кылбурез, удмурт кылын - 18, ваньмыз сямен ик кырњанлы пќрмемын.
Миша пичи дырысеныз ик крезьгур омырын кыдамын. Атаез, Сутэр починка шор ёзо школалэн директорез, мыло-кыдо ветлэ гуртысьтызы «Инвожо» ансамбле, баянэн шудэ. Мишалэсь крезьгур дуннее кыстћськон мылкыдзэ атаез бурдъяса возе, аслам, пе, уго ќз пќрмы быгатонлыкъёсме со удыслы сћземе. Мишалэн сюлэмызъя рок-крезьгур. Кырњан малпаськытћсь луыны кулэ, шуэ егит пияш.
- Капчи визьем, малпаськытћсьтэм кырњанъёсты мон кылзыны уг быгатћськы, - веранзэ азьланьтэ Миша. - Кельше Виктор Цойлэн творчествоез, озьы ик «Король и шут» но «Ария» группаос. Малпам кырњанъёсы но рок мылкыд улсын кылдэмын. Тани басьтом «Италмас» кырњанме. Сое гожтћ, «Италмас» легендаез лыдэ басьтыса, но туала шќмъем кари. Италмас нимо ныллы ќз кылды яратонэныз џош луыны, но со инмысь васькиз но сюриз кадь туала улонамы, шедьтыны но утьыны быгатћз яратонзэ. Та кырњанме ми диск вылэ гожтћмы Можгалась «Свет» огазеяськонлэн студияз. Куд-ог тодмоосы солэсь гурзэ мобильникъёсазы но пуктылћзы ни.
Егит пияшлэн мылкыдыз вань удмурт рок-группа кылдытыны. Ялон сётыса, со пумитам ни вылэм кык кузя мыло-кыдоосты. Соослы туж кельшиллям удмурт кырњанъёс. Но барабанэн шудћсез шедьтыны ум, пе, быгатћське, соин йырин группамы уг вордскы.
Азьланяз Миша Михайловлэн творчество пумысен трос малпанъёсыз. Но соосты быдэстыны уз дырты ай, вылды. Вуоно сћзьыл я тулыс армие кыскозы, дыр. Со пыр потэме бќрсьы улонме радъян борды кутско, мыньпотћз со.
Туспуктэмез В. Беломорскихлэн.
Елена Никитина, "Удмурт дунне"
