Инсарскяй райононь Кочетовка мокшень велесь кунара содаф народнай хоронь коллективонц мархта. Хорть репертуарсонза мокшень обрядовай, кудъетконь, свадьбань морот, сиде моронят. Курок «Мокшаванясь» васьфтьсы 70 кизонь юбилеенц. Кочетовскяй народнай хорсь эвондась войнада инголе. Велень пцтай эрь семьяса ульсть морай ават, конат илять пуромкшнесть фкя кудс, морсезь кельгома мороснон. Тяка пингть кие стась, кие кодась, кие тиендсь украшеният. Цебярь морамась етнесь тядятнень эзда стирьхненди и унокненди. Велеса улихть семьят, конатнень эса морсихть сембе. Тяфта Кочетовкаса эвондась эсь лацонь хор. Сонь пуроптозь начальнай классонь тонафтыхне П.А.Борисова, Т.Ф.Ермакова, К.В.Асташкина, Е.Я.Прошкина, М.И.Борисова. Хоронь вятикс лама пинге ульсь Инсар ошень музыкальнай школань преподавательсь Раиса Борисовна Климкина. Коллективти фалу сашендсть од морайхть. 1964 кизоста сявомок хорть вятьсы МАССР-нь И РСФСР-НЬ культурань Заслуженнай работниксь Анна Трофимовна Асташкина. Коллективса морсихть разнай профессиянь и возрастонь ломатть, но сембонь тяза вятезень мороти кельгомась. «Мокшаванясь» пуромкшни Кочетовкань культурань куду. Сонь руководителенза МР-нь культурань Заслуженнай работникне Е.Н.Азыркина и Г.Е.Евстифейкина 1972 кизоста сявомок морсихть «Мокшаваня» хорса. Кочетовскяй народнай хорсь – МР-нь Государственнай премиянь лауреат. Коллективсь аф весть ульсь народнай творчествань районнай и республиканскяй фестивалень, правительственнай концертонь лауреатокс. Сон улендсь аф аньцек Россиянь ламоц региоттнень эса, но и омба масторсовок – Венгрияса, Финляндияса, Германияса.
2000 кизоня коллективсь ульсь Венгрияса Финно-угорскяй народонь фольклоронь 13 Международнай фестивальса. Тоса сон казьфоль дипломса и питни казнеса и максфоль «МР-нь Государственнай премиянь Лауреат» лем.
2006 кизоня Москуса, съездонь Кремлевскяй дворецса, етась «Играй гармонь – 20 лет в эфире» юбилейнай концерт. «Мокшаваня» хорсь примась эсонза участия и казьфоль Лауреатонь дипломса. Сон тяфта жа няфтьф выставкаса. Ашезь ета вакскаст «Шумбрат, Финно-Угрия!» финно-угорскяй народонь национальнай культурань Международнай фестивальсь, кона етась Саранскяйса 2007 кизоня. Хоронь сембе участникне казьфтольхть дипломса и питни казнеса.
Аф кунара И.Д.Воронинонь лемса республиканскяй музейса панчф выставка, кона лемтьф Кочетовскяй народнай хорть юбилеенцты. Панжемстонза хоронь участникне састь музеи морама и кштима. Синь анокласть афкуксонь ила музеень покодихненди и инжихненди. Казсть коллективти эсь кядьса серматф на-циональнай нардама. Выставкаса теенза максф башка васта.
Минь тердьсаськ ошень сембе эряйхнень, конат кельгсазь тя коллективть, самс музеезонк и ваномс тя выставкать.
2000 кизоня коллективсь ульсь Венгрияса Финно-угорскяй народонь фольклоронь 13 Международнай фестивальса. Тоса сон казьфоль дипломса и питни казнеса и максфоль «МР-нь Государственнай премиянь Лауреат» лем.
2006 кизоня Москуса, съездонь Кремлевскяй дворецса, етась «Играй гармонь – 20 лет в эфире» юбилейнай концерт. «Мокшаваня» хорсь примась эсонза участия и казьфоль Лауреатонь дипломса. Сон тяфта жа няфтьф выставкаса. Ашезь ета вакскаст «Шумбрат, Финно-Угрия!» финно-угорскяй народонь национальнай культурань Международнай фестивальсь, кона етась Саранскяйса 2007 кизоня. Хоронь сембе участникне казьфтольхть дипломса и питни казнеса.
Аф кунара И.Д.Воронинонь лемса республиканскяй музейса панчф выставка, кона лемтьф Кочетовскяй народнай хорть юбилеенцты. Панжемстонза хоронь участникне састь музеи морама и кштима. Синь анокласть афкуксонь ила музеень покодихненди и инжихненди. Казсть коллективти эсь кядьса серматф на-циональнай нардама. Выставкаса теенза максф башка васта.
Минь тердьсаськ ошень сембе эряйхнень, конат кельгсазь тя коллективть, самс музеезонк и ваномс тя выставкать.
Н.Зараева,
И.Д.Воронинонь лемса
МРОКМ-нь секторонь
заведующей
Поволжский центр культур финно-угорских народов
