Ортчем арня вискын Сыктывкарын ортчиз Россиысь фин-угор журналистъёслэн куинетћ фестивальзы. Солэн ужаз пыриськизы Россиысь укмыс улосысь но республикаысь журналистъёс но кивалтћсьёс. Сиё-дано ужрадэ вуылћзы кунгож сьќрысь - Эстониысь но Финляндиысь - куноос. Вераськон мынћз фин-угор газет-журналъёс азьын сылћсь ужпумъёсъя. Фестиваль дыръя ик йылпумъянъёс лэсьтэмын ивор вќлмытон ёзъёс куспын радъям конкурслы. Џошатсконэ оглом 37 издание пыриськиз. Удмурт шаерысь журналистъёс вить дипломен бертћзы. «Удмурт дунне» газетмес куинетћ интыен но синпель кузьымен пусйизы фин-угор калыкъёслэн сям-йылолъёссылы сћзем њеч фоторепортаж лэсьтыны быгатэмез понна. «Кенеш» журналэз дунъязы «Фин-угор юмор» номинациын. Нош егитъёслэн «Инвожо» журналзы кыкетћ инты басьтћз «Выль поколенилы чаклам устоез издание» номинациын. Тужгес но зол удалтћз «Кизили» журналлы, диплом дуре со кык пол потано луиз. Нырысь ик покчиослэсь журналзэс дунъязы сям-йылолъёсты утьыны тыршемез понна. Со сяна, «Тужгес устоез вылтус» номинациын журналлы куинетћ инты сётэмын. Пусйыны кулэ: таяз фестивальын пќртэм номинациосын нырысетћ интыос сётэмын вал Коми Республикаысь но Карелиысь газет-журналъёслы. Фестиваль возьматћз: фин-угор журналистъёсты трос пќртэм сюлмаськонъёс шугъяськыто. Џапак со ужпумъёсты љутонлы ик сћземын вал фестиваль дыръя радъям кенешонъёс. Но таиз сярысь пыр-почгес мадём ини вуоно номерамы. Газета "Удмурт дунне" (Удмуртская Республика) № 171, от 13 ноября 2007 года, Елена Панфилова