Неважöн юркарö волiсны Изьва районысь Бакурса школаын велöдчысьяс. Вайöдлiс найöс велöдысьныс Лариса Геннадьевна Репина.
Ныв-зон медводз пыралiсны изьватаслöн культура шöринö. Найöс вочаалiс «Изьва керкаын» уджалысь С.Г.Семяшкин. Степан Григорьевич юкталiс землякьяссö пöсь тшайöн, висьталiс шöрин йывсьыс.
Сэсся челядь ветлiсны вöр институтö. Сэтчöс музейöн веськöдлысь Румен Ахмедович Тюфяков тöдмöдiс нывзонмöс Сыктывкарса вöр институтлöн историяöн. Тайö вузсö помавлiсны Изьва вожысь петлöм уна йöз. И öнi институтас уна изьватас велöдчö.
Челядь водзын сёрнитiс вöр институтысь библиотекаöн веськöдлысь Ольга Германовна Финк. Тöдмöдiс гöсьтьясöс электроннöй книгаясöн. Висьталiс, кыдзи позьö аддзыны колана небöг, öдйö пыравны öтуввезйö. Колö шуны, Бакурса школаын эм жö компьютернöй классыд, и öтуввезйö позьö жö пыравны.
Ныв-зон кытшовтiсны институтын велöдчан жырьяссö. На пöвстысь унаöн школа бöрас окотитöны пырны велöдчыны тайö вузас. Гарыштлiм нин, мый сэнi босьтöны тöдöмлун Изьва вожысь уна ныв-зон. И велöдчöны бура. Таво вузсö помаласны Иван да Владимир Артеевьяс, Валерий Терентьев да мукöд. Oкмыс изьватас студент дипломыскöд тшöтш босьтасны рационализаторлысь удостоверение.
Бакурса челядь волiсны и Сыктывкарса университетö. А сэсся опера да балет театрын видзöдiсны «Очень простая история» спектакль.
Войвыв сиктысь воöм нывзон окотапырысь пыралiсны и С.Я.Маршак нима челядьлöн библиотекаö. Сэнi уджалысь Людмила Зарниевна Втюрина лыддис землякьясыслы ассьыс кывбурьяс, сетiс налы неыджыд козин.
Бакурса челядь ветлiсны и Национальнöй галереяö, тöдмасисны коми, роч да суйöрсайса художникьяслöн серпасьясöн, а рытгорулыс бара кежалiсны «Изьва керкаö».
Сэнi челядькöд дыркодь сёрнитiс культура шöринöн веськöдлысь Василий Прокопьевич Рочев. Гöсьтьяслы озыр пызан дасьтiсны Алексей Александрович Ларионов да Степан Григорьевич Семяшкин. Нурьясьöм бöрын гöсьтьяс висьталiсны асланыс бать-мам, чой-вок йылысь. Вöлöмкö, Бакур школаын велöдчысьяс пиысь унаöн ветлывлöны урокьяс бöрын йöктан кружокö. Зоньяс радейтöны физкультура да спорт. Ворсöны баскетболöн, волейболöн, котрапöны лызьöн.
«Изьва керкаын» сёрниыс вöлi и Бакурын чужлöм нималана йöз йылысь. Таво тырö чужан лунсяньыс 102 во поэт Яков Иванович Чупровлы (Биа Oгырлы). Сiйö 1930 воын уджалöма редакторöн «Сыктывса ударник» райгазетын. Репрессируйтлöмаöсь. Сэсся ас окота сертиыс мунöма фронт вылö. 1942 воын усьöма Москва кар дорын.
Бакурса медводдза велöдысь Пётр Сидорович Филипповлöн Александр пиыс кольöм Ыджыд война вылын сьöкыда ранитчылöма, демобилизуйтчöм бöрас уджалöма образование юкöнын, вöлöма школаса директорöн. Сы бöрын веськöдлысьнас вöлöма Людмила Сергеевна Селезнёва.
Изьва районын да республикаын нималö композитор Сергей Александрович Артеев. Сылысь сьыланкывьяссö «Ижма—радость моя», «Ижмаматушка» да мукöдöс тшöкыда позьö кывны радио пыр.
Кыпыда да гажаа помасис рытыс. «Изьва керкаса» уджалысьяс сэсся колльöдiсны гöсьтьясöс поезд вылö, сиисны бур туй, корисны нöшта на волыны Сыктывкарö.
Ныв-зон медводз пыралiсны изьватаслöн культура шöринö. Найöс вочаалiс «Изьва керкаын» уджалысь С.Г.Семяшкин. Степан Григорьевич юкталiс землякьяссö пöсь тшайöн, висьталiс шöрин йывсьыс.
Сэсся челядь ветлiсны вöр институтö. Сэтчöс музейöн веськöдлысь Румен Ахмедович Тюфяков тöдмöдiс нывзонмöс Сыктывкарса вöр институтлöн историяöн. Тайö вузсö помавлiсны Изьва вожысь петлöм уна йöз. И öнi институтас уна изьватас велöдчö.
Челядь водзын сёрнитiс вöр институтысь библиотекаöн веськöдлысь Ольга Германовна Финк. Тöдмöдiс гöсьтьясöс электроннöй книгаясöн. Висьталiс, кыдзи позьö аддзыны колана небöг, öдйö пыравны öтуввезйö. Колö шуны, Бакурса школаын эм жö компьютернöй классыд, и öтуввезйö позьö жö пыравны.
Ныв-зон кытшовтiсны институтын велöдчан жырьяссö. На пöвстысь унаöн школа бöрас окотитöны пырны велöдчыны тайö вузас. Гарыштлiм нин, мый сэнi босьтöны тöдöмлун Изьва вожысь уна ныв-зон. И велöдчöны бура. Таво вузсö помаласны Иван да Владимир Артеевьяс, Валерий Терентьев да мукöд. Oкмыс изьватас студент дипломыскöд тшöтш босьтасны рационализаторлысь удостоверение.
Бакурса челядь волiсны и Сыктывкарса университетö. А сэсся опера да балет театрын видзöдiсны «Очень простая история» спектакль.
Войвыв сиктысь воöм нывзон окотапырысь пыралiсны и С.Я.Маршак нима челядьлöн библиотекаö. Сэнi уджалысь Людмила Зарниевна Втюрина лыддис землякьясыслы ассьыс кывбурьяс, сетiс налы неыджыд козин.
Бакурса челядь ветлiсны и Национальнöй галереяö, тöдмасисны коми, роч да суйöрсайса художникьяслöн серпасьясöн, а рытгорулыс бара кежалiсны «Изьва керкаö».
Сэнi челядькöд дыркодь сёрнитiс культура шöринöн веськöдлысь Василий Прокопьевич Рочев. Гöсьтьяслы озыр пызан дасьтiсны Алексей Александрович Ларионов да Степан Григорьевич Семяшкин. Нурьясьöм бöрын гöсьтьяс висьталiсны асланыс бать-мам, чой-вок йылысь. Вöлöмкö, Бакур школаын велöдчысьяс пиысь унаöн ветлывлöны урокьяс бöрын йöктан кружокö. Зоньяс радейтöны физкультура да спорт. Ворсöны баскетболöн, волейболöн, котрапöны лызьöн.
«Изьва керкаын» сёрниыс вöлi и Бакурын чужлöм нималана йöз йылысь. Таво тырö чужан лунсяньыс 102 во поэт Яков Иванович Чупровлы (Биа Oгырлы). Сiйö 1930 воын уджалöма редакторöн «Сыктывса ударник» райгазетын. Репрессируйтлöмаöсь. Сэсся ас окота сертиыс мунöма фронт вылö. 1942 воын усьöма Москва кар дорын.
Бакурса медводдза велöдысь Пётр Сидорович Филипповлöн Александр пиыс кольöм Ыджыд война вылын сьöкыда ранитчылöма, демобилизуйтчöм бöрас уджалöма образование юкöнын, вöлöма школаса директорöн. Сы бöрын веськöдлысьнас вöлöма Людмила Сергеевна Селезнёва.
Изьва районын да республикаын нималö композитор Сергей Александрович Артеев. Сылысь сьыланкывьяссö «Ижма—радость моя», «Ижмаматушка» да мукöдöс тшöкыда позьö кывны радио пыр.
Кыпыда да гажаа помасис рытыс. «Изьва керкаса» уджалысьяс сэсся колльöдiсны гöсьтьясöс поезд вылö, сиисны бур туй, корисны нöшта на волыны Сыктывкарö.
Валентин ЧУПРОВ, "Коми му"
