Чӧскыд гаж

Печора районса Бызӧвӧй грездын бара на юргис «Черинянь гаж». Тайӧ фестивальыс муніс сэні витӧдысь нин. Таво гажӧдісны тшӧтш и югыд шондіыс да мича поводдяыс. 

Грездсӧ гаж котыртысьясыс юкӧмаӧсь вӧлі уна эрдъяс вылӧ, кӧні нимӧдісны бур оласнога семьяясӧс, киподтуя войтырӧс, тӧдмӧдісны гӧсьтъясӧс кольӧм кадся лоӧмторъясӧн. Конкурс-викторина нуӧдісны. 

Петкӧдлісны коми культуралысь аслыспӧ-лӧслунсӧ. 

Чукӧртчӧмаясӧс гажӧдісны Печора районса творческӧй котыръяс, а сідзжӧ Коми Республикаса заслуженнӧй уджалысь,  сьылысь Наталья Канова.

И дерт жӧ, гаж дырйиыс кыйисны чери да пӧжалісны чӧскыд черинянь.

А бӧръяпомыс  енэжӧ лэдзисны Коми Республикалы 95 во тырӧмкӧд йитӧдын            95 пӧльтӧм шар.

 

Regions: 
Народы: