Эрзянь од сермадыцянть, И.П.Кривошеев лемсэ литературань премиянь лауреатонть Мария Ереминань аволь умок лиссь «Валдо» лементь ало стихотворениянь омбоце сборникезэ. Произведениятне книгасонть невтезь ниле кельсэ: эстононь, эрзянь, рузонь ды англань.
Те иень панжиковсто Мария ульнесь Суоми масторсо, косо ютась финнэнь-угрань студенттнэнь конференциясь. Тосо сон теевсь содавиксэкс Арво Валтон марто, кона важоди финнэнь-угрань литературатнень раськеютконь Ассоциациясо прявтокс. Те ломанесь вана уш зярыя иеть пурны финнэнь-угрань од ломантнень сермадовксост ды нолды сынст ниле кельсэ. Эрьва ие А.Валтон арси мезеяк од: пурны вейсэнь пусмот, лиясто прозань, тедеде сон нолдась поэзиянь од сермадыцятнень 8 пусмот. Те – Коминь, Удмуртиянь, Марий Элэнь ды Мордовиянь поэттнэнь (М.Ереминадо башка минек республикасто сборникезэ лиссь мокшонь сермадыцянть М.Агеевань).
М.Еремина ютавтынзе стихотворениянзо рузонь кельс (подстрочник тейсь) ды кучинзе сынст Эстонияв. Тосо книгатнень нолдамс лездась Эстононь малавикс раськетнень лездамонь программась.
Ютазь недлястонть Мария велявтсь Йошкар-Оласто, косо ютась финнэнь-угрань сермадейтнень X-це Конгрессэсь. Те вастомасонть А.Валтон казинзе книгатнень од автортнэнень. Пусмосонть нолдыцясь тешкстась минек тейтеренть поэзиядонзо: «Эрзянь од поэтессанть М.Ереминань творчествазо ашти пек сэрей текшсо, сермадыцянть, иензэ лангс апак вано, эрямонть лангс вановтозо пек домка. Кемтяно, сонзэ касомась а лотки седе товгак, эскельксэнзэ, кода те вастневи, а лавшомить.
Стихотворениянзо ловномсто чарькодят, кодамо сюпав неть 5 раськетнень (эрзятнень, мокшотнень, комитнень, маритнень, удмурттнэнь) поэзияст – кода сермадома лувсонть, истя смустенть коряскак. Редяви, неть раськетнень культурань ды эрямо пингень перть таштавт сюпавчинтень малавиксчист.
Ды теке марто васенце таркас лиси ежомарямонь, модамасторонь сэредьксэнь, учомань ды мелявксонь-кавтолдомань вейкетьксчись, мезесь истя малавикс од ломантненень. М.Ереминань творчествазо, кода эсь раськень од ломанень поэзиянь виев невтевкс, апак кавтолдо совавтовсь те книгань сериянтень».
Те иень панжиковсто Мария ульнесь Суоми масторсо, косо ютась финнэнь-угрань студенттнэнь конференциясь. Тосо сон теевсь содавиксэкс Арво Валтон марто, кона важоди финнэнь-угрань литературатнень раськеютконь Ассоциациясо прявтокс. Те ломанесь вана уш зярыя иеть пурны финнэнь-угрань од ломантнень сермадовксост ды нолды сынст ниле кельсэ. Эрьва ие А.Валтон арси мезеяк од: пурны вейсэнь пусмот, лиясто прозань, тедеде сон нолдась поэзиянь од сермадыцятнень 8 пусмот. Те – Коминь, Удмуртиянь, Марий Элэнь ды Мордовиянь поэттнэнь (М.Ереминадо башка минек республикасто сборникезэ лиссь мокшонь сермадыцянть М.Агеевань).
М.Еремина ютавтынзе стихотворениянзо рузонь кельс (подстрочник тейсь) ды кучинзе сынст Эстонияв. Тосо книгатнень нолдамс лездась Эстононь малавикс раськетнень лездамонь программась.
Ютазь недлястонть Мария велявтсь Йошкар-Оласто, косо ютась финнэнь-угрань сермадейтнень X-це Конгрессэсь. Те вастомасонть А.Валтон казинзе книгатнень од автортнэнень. Пусмосонть нолдыцясь тешкстась минек тейтеренть поэзиядонзо: «Эрзянь од поэтессанть М.Ереминань творчествазо ашти пек сэрей текшсо, сермадыцянть, иензэ лангс апак вано, эрямонть лангс вановтозо пек домка. Кемтяно, сонзэ касомась а лотки седе товгак, эскельксэнзэ, кода те вастневи, а лавшомить.
Стихотворениянзо ловномсто чарькодят, кодамо сюпав неть 5 раськетнень (эрзятнень, мокшотнень, комитнень, маритнень, удмурттнэнь) поэзияст – кода сермадома лувсонть, истя смустенть коряскак. Редяви, неть раськетнень культурань ды эрямо пингень перть таштавт сюпавчинтень малавиксчист.
Ды теке марто васенце таркас лиси ежомарямонь, модамасторонь сэредьксэнь, учомань ды мелявксонь-кавтолдомань вейкетьксчись, мезесь истя малавикс од ломантненень. М.Ереминань творчествазо, кода эсь раськень од ломанень поэзиянь виев невтевкс, апак кавтолдо совавтовсь те книгань сериянтень».
"Эрзянь правда"
