В прошлую среду в Музее истории Сибирского тракта в селе Дебесы прошла презентация краеведческого справочника «Дебесский район на стыке дорог и времен». Автором этой замечательной по содержанию книги является историк-краевед Павел Роготнев. Выль книгаен тодматскыны люкаськизы Дэбес ёрослэн кивалтћсьёссы, Сибирь тракт музейын ужасьёс, историк-краевед но журналист Сергей Жилин, «Автовитрина Ижевска» но «Байгурезь» газетъёслэн валтћсь редакторъёссы Надежда Шкляева но Валерий Нуриахметов, дышетћсьёс, библиотекарьёс но трос мукетъёсыз. Нырысь учкыса, книгалэн вылтусыз синме усьымон но ќвќл кадь - вылзэ но, пушсэ но чибориё лэсьтыны кондонзы ќз тырмы, дыр. Нош кќня ке бамъёссэ берыкъяны кутскиськод но, соку ик валаськод, пуштросэзъя таџе книга туж кулэ шуыса. Сое ужаз кутыны быгатозы дышетћсьёс но, журналистъёс но, библиотекаын ужасьёс но, студентъёс но - ваньзы, кин мур тунсыкъяське вордћськем шаермылэн историеныз: Сибире нуись сюресэн но Дэбес ёрослэн историеныз рос-прос тодматскемды потэ ке, та книгаез љажы вылады пуктоно луоды. Та книгае огазеяса пыртэмын Сибир трактлэн музеяз но «Байгурезь» газетын ужасьёслэн, Дэбес ёросысь тодосчиослэн 50 ар куспын люкам материалъёссы. Лыдњисьёс быгатозы тодматскыны Дэбес ёрослэн легендаосыныз но мифъёсыныз - инкуазь явлениослэн пќрмемзы сярысь вашкала калыкъёслэн верамъёсынызы. Кылсярысь, ваньмы пинал дырысен ик тодћськомы, шаерамы Байгурезь вань шуыса. Нош малы со озьы нимамын, тросэз вераны но уз быгатэ, дыр. Та гурезьлэн нимыз кык вылэм - Байгурезь (узыр гурезь) но Бакгурезь ымтэм - немой гурезь). Гурезь улын бак вукочи, пе, пызь изылэм, соин ик Бакгурезь нималлям. Мукет веранъя, та гурезь йылын бак адями араз одћг пол гинэ - инвожо толэзе - вераськыны быгатэ вылэм. Со понна, гурезьлэн самой йылаз тубыса, пиялаен кумышка юоно (кумышкатэк инмаръёсын одћг кыл шедьтыны секыт, пе, луоз). Тубыкуд пияладэ кияд возёно, отысь одћг шапыкез но медаз усьы. Чик кулэтэм дыръя Байгурезь йылэ инвожо толэзе тубаны ќз лэзьылэ. Нош Дэбесын, пе, бесъёс - шайтанъёс улћллям. Та пумысен куинь пќртэм вашкала веранъёс кылемын, - книгаез лыдњыса, асьтэос соосын тодматскоды. Сибир сюрес кузя кызьпуос будо. Калыклэн верамезъя, соосты, пе, татћ ортчыкуз, Екатерина II мерттыны косэм (њучъёс соосты али но «екатерининские березы» шуо). Нош архив документъёсъя, Екатерина II Казаньлэсь кыдёке ќвќл вуылэм. Озьы ке но, џапак со кивалтыку, Россиын сюресъёсты тупатъяны кутскиллям. Толалтэ букос медаз пельты шуыса, Москва - Санкт-Петербург тракт кузя писпуосты - лабырес сирпуосты мерттыны нырысьсэ џектэм князь Львов. Асьме шаерамы сирпу трос уг буды, соин ик кызьпуосты мерттћзы. Со сяна, книгае пыртэмын 6 черкъёс сярысь гожъямъёс. Быгатоды тодматскыны адямиосын, кудъёсызлэн улон сюрессы пичи ке но герњаськемын Сибир трактэн: Александр I Дэбесэ кќлыны дугдылэм; Александр II - солы 1913 арын Полом черко гуртын памятник но пуктэмын вылэм; зоолог Альфред Брэм, писательёс Александр Герцен, Иван Гончаров, Федор Достоевский, Василий Жуковский, Александр Радищев, Николай Чернышевский - ваньзы ортчемын Дэбес музъемтћ. Асьме вакытысь суредась Валентин Белых вордћськемын Дэбес ёросысь Сенькагуртын; Удмурт Элькунысь сћё-дано артистка Фаина Будина - Урдумошурын, культура удысысь сћё-дано ужась журналист Милитина Гаврилова-Решитько - Роготнёвоын, спортсмен-велогонщик Николай Галичанин - Котегуртын, крезьгурчи Геннадий Корепанов-Камский - Ягвукоын, режиссёр, актёр но кырњась Кузьма Ложкин но Госдумалэн депутатэз Светлана Смирнова - Заречная Медла гуртын, мунё театрысь артист Александр Перевозчиков - Верхний Четкер гуртын… Ма, туж трос тодмо адямиос потэмын Дэбес ёросысь, ваньмыныз соосын тодматскыны быгатоды, та книгаез лыдњыса. Со сяна, нимысьтыз тодматскыны быгатоды на Дэбес ёросысь гуртъёсын но - соос алфавитъя сётэмын. Берпуметћ бамъёсаз автор сётэ нимысьтыз юанъёсты, кудъёсызъя луоз вордћськем шаерен рос-прос тодматскыны но шаермылэн котькуд сэрегез сярысь нимысьтыз книга гожтыны. В данном издании впервые обобщен 50-летний опыт работы краеведов Дебёсского района, а также специалистов Музея Сибирского тракта, районного Центра детского творчества и редакции газеты «Байгурезь». В книге в алфавитном порядке даны названия населенных пунктов с историческими описаниями, а также имена тех людей, чья судьба тем или иным образом связана с Дэбесским районом или Сибирским трактом. В заключение книги предлагается примерный вопросник, который может стать реальным подспорьем для каждого краеведа в выборе тем и инструментов при изучении истории своей малой родины. Газета "Известия Удмуртской Республики" (Удмуртская Республика) от 12 сентября 2007 года, Нина Соловьёва