Ичöтик Йöрöсдiн грезд куткыртчöма Емва юлöн шуйга берегас. Таво сылы тырö 400 во.
1608 воын Ерызда грезд йылысь пасйылiсны Емваса да Эжваса муяслöн сiдз шусяна Дозорнöй небöгын Василий Ларионов да Андрей Горохов. 1678 вося переписнöй небöг серти танi овлöмаöсь Айбабинъяс, Полещиковъяс, Поздеевъяс, Шуктомовъяс. Бöрынджык локтöмаöсь Макаровъяс да Сенюковъяс. Вочасöн грездыс паськалöма да юксьöма Вылыс даУлыс Йöрöсдiн вылö. Октябрса революция бöрын танi олiс нин 300-ысь унджык морт. Грездса войтыр быдтiсны нянь, видзисны скöт, вöралiсны, чери кыйисны. Ставöн уджалiсны зiля, со и олiсны судзсьымöна.
Колисны Иöрöсдiнын чужлöм-быдмылöм ань Лидия Алексеевна Шуктомовалöн казьтылöмъясыс. Ачыс уджавлöма НКВД-ын инженерöн. Oнi абу нин ловъя. Сiйö гижö, кыдзи сылöн батьыс Алексей Николаевич Шуктомов медводдза мирöвöй война вылысь локтöм бöрын пыр жö босьтчöма стрöитны аслас семьялы выль керка. Емва катыдысь кылöдöма пурйöн бур вöр да во мысти нин, буретш нылыслöн чужигкежлö, кыпöдöма ыджыд коромина, кöнi вöлöма и мастерскöй. Зарни киа морт вöчöма туис, чуман, челядьлы дадь, вурлöма вöвлы сийöс-завод. Быд удж пуöма сылöн киын.
Грездса мукöд мужичöйкöд тшöтш Алексей Николаевич котыртöма ьщжыд бригада, кодi пöрöдöма вöр, стрöитöма керкаяс, вöчöма колхозлы пыжъяс, додьяс, паромъяс. Oтвылысь жö грездса мужичöйяс кыйöмаöсь чери.
Война водзвылын грездас вöлöма кык колхоз. Улыс Йöрöсдiнса Будённый нима колхозöн веськöдлöма буретш Алексей Николаевич Шуктомов. Бöрынджык нин вöлöма татчöс сельсöветса председательöн. Йöзыс ёна пыдди пуктылöмаöсь сiйöс сыысь, мый унатор тöдöма, вермöма вочавидзны быд сикас юалöм вылö, пыр олöма ас войтырлöн тöждмайшасьöмöн.
И уна мукöд татшöм мывкыда да ыджыд сьöлöма йöз петлiсны Йöрöсдiнысь. Oти на пиысь — Коми АССР-са да РСФСР-са заслуженнöй врач Александра Алексеевна Попова. Помавлöма Москваса университетысь педагогическöй факультет да Москваса медицинскöй институт. Велöдöма начальнöй классъяса школаясын да Сыктывкарса педагогическöй техникумын. Уджалöма республикаса юркарын врачöн, фельдшерско-акушерскöй школаын завучöн. 1938-1955 воясö вöлöма Коми АССР-ысь йöзлысь дзоньвидзалун видзан народнöй комиссарöн да бöрынджык министрöн. Некымынысь бöрйылöмаöсь Коми АССР-ысь Верховнöй Сöветса депутатöн. Наградитöма Ленин, Трудöвöй Гöрд Знамя, «Знак Почёта» орденъясöн. Буретш тайö грездас чужис-быдмис коми лингвист, кыв да литература туялысь, филология наукаса доктор, профессор Адольф Иванович Туркин. Сiйö йöзöдiс 180 сайö научнöй статья да монография, кодъясöс сиöма коми кывлöн сёрнисикасъяслы, финн-йöгра учёнöйяслöн олöм-вылöмлы да уджлы, финн-йöгра литератураяс туялöмлы. Сiйö вуджöдiс коми кыв вылö карелъяслысь да финнъяслысь «Калевала» эпос. Ыджыд пай пуктiс Коми Республикалысь топонимика туялöмö. Финн-йöгра учёнöйяс пöвстын сылöн нимыс медся югыдъясысь öти. Йöрöсдiнысь олöма йöз бура помнитöны полковник, история наукаса кандидат, Великöй Отечественнöй войнаса ветеран Питирим Иванович Шуктомовöс. Войнаöдз на помавлöма Москваса военно-политическöй училище да В.И. Ленин нима Военно-политическöй академия. Айму вöсна тыш заводитчöм бöрын П.И.Шуктомов вöлöма Москва дорйигöн курсантъяслöн бригадаса комиссарöн, сэсся — Рытыввыв да Брянскöй фронтъяс вылын бригадаса комиссарöн. Война бöрас дорйöма кандидатлöн ним вылö диссертация да велöдöма В.И.Ленин нима Военно-политическöй академияын. Сiйö пуктiс ыджыд пай «Великöй Отечественнöй войналöн история» уна тома уджö. Наградитöма Краснöй Звезда, Мöд степеня Отечественнöй война орденъясöн. А мыйта мукöд мывкыда да зiль йöз петiсны татысь! На лыдын Сыктывкарса ЛПК-ысь электроремонтнöй цехын уджалысь, Трудöвöй Гöрд Знамя ордена кавалер Ананий
Александрович Полещиков, «Ухтатрансгаз» объединениеысь вöвлöм линейнöй трубопроводчик, «Знак Почёта» ордена кавалер Леонид Васильевич Шуктомов, Воркутаса механическöй заводысь мöд механосборочнöй цехса начальник Финоген Николаевич Шуктомов. И быдöн йылысь кöть быдса небöг гиж.
Ставныс коркö чужлiсны-быдмылiсны Иöрöсдiн грездын, зiль да бур сьöлöма бать-мам дiнын. Тасянь пырисны ыджыд олöмö да лоисны пыдди пуктана иöзöн. Унаöн на пиысь талун абу нин ловъяöсь, но тайö войтыр йывсьыс матыссаяслöн датöдсаяслöн колисны медся бур казьтылöмъяс. Талун ичöтик грезд кусан выйын нин. Танi олö сöмын некымын семья. Гожöмъяснас бать-мамлöн важ керкаясö волывлöны налöн быдтасъясыс. Мый сэсся вöчан. Татшöм нин олан туйыс Комиысь уна важся грездлöн, кытысь петлiсны сы мында нималана войтыр.
Но Йöрöсдiн грезд быттьö выльысь ловзьылiс июль 26 лунö. Татчö волiсны грездса коркöя олысьяс да уна гöсьт пасйыны Йöрöсдiнлысь 400 вося юбилей. Медся пöсь кывъясöн чолöмалiс праздник вылö чукöртчысьясöс Емдiн районса юралысь Мустафа Махмудов. Вöлi сувтöдöма Великöй Отечественнöй война вылын Йöрöсдiнысь усьöм воинъяслы казьтылан крест. Тайö ичöтик грездсьыс 49 морт эз бергöдчы гортас. Налы эськö зiля уджавны, выль керкаяс лэптыны, семьяяс дöзьöритны. Но ковмис сувтны дорйыны чужан му. Тайö, дерт жö, ёна конйыштiс грездлысь водзö быдмöм-сöвмöмсö. Праздник вылö чукöртчысьяс нимöдiсны «Родом из Ероздина» небöг, кодöс лöсьöдiс грездса вöвлöм олысьяслöн гижöдъяс серти журналист Сергей Торлопов. Сёр рытöдз эз ланьтлы гажыс важся грездын. Код тöдас, кутшöм лоö Йöрöсдiнлöн аскиа луныс. Но татысь петлöм войтыр, кодъяс талун разöдчöмаöсь став Россия пасьта, некор оз вунöдны ассьыныс ичöт чужанiнсö. А отсалiс котыртны гажсö Сыктывкарын Емдiнса землячество, кодöн юрнуöдö пöсь сьöлöма морт Александр Васильевич Козлов.
1608 воын Ерызда грезд йылысь пасйылiсны Емваса да Эжваса муяслöн сiдз шусяна Дозорнöй небöгын Василий Ларионов да Андрей Горохов. 1678 вося переписнöй небöг серти танi овлöмаöсь Айбабинъяс, Полещиковъяс, Поздеевъяс, Шуктомовъяс. Бöрынджык локтöмаöсь Макаровъяс да Сенюковъяс. Вочасöн грездыс паськалöма да юксьöма Вылыс даУлыс Йöрöсдiн вылö. Октябрса революция бöрын танi олiс нин 300-ысь унджык морт. Грездса войтыр быдтiсны нянь, видзисны скöт, вöралiсны, чери кыйисны. Ставöн уджалiсны зiля, со и олiсны судзсьымöна.
Колисны Иöрöсдiнын чужлöм-быдмылöм ань Лидия Алексеевна Шуктомовалöн казьтылöмъясыс. Ачыс уджавлöма НКВД-ын инженерöн. Oнi абу нин ловъя. Сiйö гижö, кыдзи сылöн батьыс Алексей Николаевич Шуктомов медводдза мирöвöй война вылысь локтöм бöрын пыр жö босьтчöма стрöитны аслас семьялы выль керка. Емва катыдысь кылöдöма пурйöн бур вöр да во мысти нин, буретш нылыслöн чужигкежлö, кыпöдöма ыджыд коромина, кöнi вöлöма и мастерскöй. Зарни киа морт вöчöма туис, чуман, челядьлы дадь, вурлöма вöвлы сийöс-завод. Быд удж пуöма сылöн киын.
Грездса мукöд мужичöйкöд тшöтш Алексей Николаевич котыртöма ьщжыд бригада, кодi пöрöдöма вöр, стрöитöма керкаяс, вöчöма колхозлы пыжъяс, додьяс, паромъяс. Oтвылысь жö грездса мужичöйяс кыйöмаöсь чери.
Война водзвылын грездас вöлöма кык колхоз. Улыс Йöрöсдiнса Будённый нима колхозöн веськöдлöма буретш Алексей Николаевич Шуктомов. Бöрынджык нин вöлöма татчöс сельсöветса председательöн. Йöзыс ёна пыдди пуктылöмаöсь сiйöс сыысь, мый унатор тöдöма, вермöма вочавидзны быд сикас юалöм вылö, пыр олöма ас войтырлöн тöждмайшасьöмöн.
И уна мукöд татшöм мывкыда да ыджыд сьöлöма йöз петлiсны Йöрöсдiнысь. Oти на пиысь — Коми АССР-са да РСФСР-са заслуженнöй врач Александра Алексеевна Попова. Помавлöма Москваса университетысь педагогическöй факультет да Москваса медицинскöй институт. Велöдöма начальнöй классъяса школаясын да Сыктывкарса педагогическöй техникумын. Уджалöма республикаса юркарын врачöн, фельдшерско-акушерскöй школаын завучöн. 1938-1955 воясö вöлöма Коми АССР-ысь йöзлысь дзоньвидзалун видзан народнöй комиссарöн да бöрынджык министрöн. Некымынысь бöрйылöмаöсь Коми АССР-ысь Верховнöй Сöветса депутатöн. Наградитöма Ленин, Трудöвöй Гöрд Знамя, «Знак Почёта» орденъясöн. Буретш тайö грездас чужис-быдмис коми лингвист, кыв да литература туялысь, филология наукаса доктор, профессор Адольф Иванович Туркин. Сiйö йöзöдiс 180 сайö научнöй статья да монография, кодъясöс сиöма коми кывлöн сёрнисикасъяслы, финн-йöгра учёнöйяслöн олöм-вылöмлы да уджлы, финн-йöгра литератураяс туялöмлы. Сiйö вуджöдiс коми кыв вылö карелъяслысь да финнъяслысь «Калевала» эпос. Ыджыд пай пуктiс Коми Республикалысь топонимика туялöмö. Финн-йöгра учёнöйяс пöвстын сылöн нимыс медся югыдъясысь öти. Йöрöсдiнысь олöма йöз бура помнитöны полковник, история наукаса кандидат, Великöй Отечественнöй войнаса ветеран Питирим Иванович Шуктомовöс. Войнаöдз на помавлöма Москваса военно-политическöй училище да В.И. Ленин нима Военно-политическöй академия. Айму вöсна тыш заводитчöм бöрын П.И.Шуктомов вöлöма Москва дорйигöн курсантъяслöн бригадаса комиссарöн, сэсся — Рытыввыв да Брянскöй фронтъяс вылын бригадаса комиссарöн. Война бöрас дорйöма кандидатлöн ним вылö диссертация да велöдöма В.И.Ленин нима Военно-политическöй академияын. Сiйö пуктiс ыджыд пай «Великöй Отечественнöй войналöн история» уна тома уджö. Наградитöма Краснöй Звезда, Мöд степеня Отечественнöй война орденъясöн. А мыйта мукöд мывкыда да зiль йöз петiсны татысь! На лыдын Сыктывкарса ЛПК-ысь электроремонтнöй цехын уджалысь, Трудöвöй Гöрд Знамя ордена кавалер Ананий
Александрович Полещиков, «Ухтатрансгаз» объединениеысь вöвлöм линейнöй трубопроводчик, «Знак Почёта» ордена кавалер Леонид Васильевич Шуктомов, Воркутаса механическöй заводысь мöд механосборочнöй цехса начальник Финоген Николаевич Шуктомов. И быдöн йылысь кöть быдса небöг гиж.
Ставныс коркö чужлiсны-быдмылiсны Иöрöсдiн грездын, зiль да бур сьöлöма бать-мам дiнын. Тасянь пырисны ыджыд олöмö да лоисны пыдди пуктана иöзöн. Унаöн на пиысь талун абу нин ловъяöсь, но тайö войтыр йывсьыс матыссаяслöн датöдсаяслöн колисны медся бур казьтылöмъяс. Талун ичöтик грезд кусан выйын нин. Танi олö сöмын некымын семья. Гожöмъяснас бать-мамлöн важ керкаясö волывлöны налöн быдтасъясыс. Мый сэсся вöчан. Татшöм нин олан туйыс Комиысь уна важся грездлöн, кытысь петлiсны сы мында нималана войтыр.
Но Йöрöсдiн грезд быттьö выльысь ловзьылiс июль 26 лунö. Татчö волiсны грездса коркöя олысьяс да уна гöсьт пасйыны Йöрöсдiнлысь 400 вося юбилей. Медся пöсь кывъясöн чолöмалiс праздник вылö чукöртчысьясöс Емдiн районса юралысь Мустафа Махмудов. Вöлi сувтöдöма Великöй Отечественнöй война вылын Йöрöсдiнысь усьöм воинъяслы казьтылан крест. Тайö ичöтик грездсьыс 49 морт эз бергöдчы гортас. Налы эськö зiля уджавны, выль керкаяс лэптыны, семьяяс дöзьöритны. Но ковмис сувтны дорйыны чужан му. Тайö, дерт жö, ёна конйыштiс грездлысь водзö быдмöм-сöвмöмсö. Праздник вылö чукöртчысьяс нимöдiсны «Родом из Ероздина» небöг, кодöс лöсьöдiс грездса вöвлöм олысьяслöн гижöдъяс серти журналист Сергей Торлопов. Сёр рытöдз эз ланьтлы гажыс важся грездын. Код тöдас, кутшöм лоö Йöрöсдiнлöн аскиа луныс. Но татысь петлöм войтыр, кодъяс талун разöдчöмаöсь став Россия пасьта, некор оз вунöдны ассьыныс ичöт чужанiнсö. А отсалiс котыртны гажсö Сыктывкарын Емдiнса землячество, кодöн юрнуöдö пöсь сьöлöма морт Александр Васильевич Козлов.
Иван БЕЛЫХ, "Коми му"