«Мынам Удмуртие» радиоын улћсь маскарчи Лöпшо Педор та нуналъёсы корка пырон ортчытэ. Азьвыл со аслэсьтыз кылзћсьёссэ «куноятћз» радиотулкымъёс вылын гинэ. Но ялан азьлань дыртћсь улонлэсь бере кылемез öз поты ни, аслыз интернет-сайт лэсьтћз. Адресэз таџе: . Отчы пыраса, тћ шедьтоды анекдотъёсты, серемес веросъёсты, сценкаосты но мукет ивортонъёсты. Та дырлы сайтэ 500-лэсь ятыр серем пырыос интыямын. Маскарчилэн малпамезъя, соосты тунсыко луоз лыдњыны шутэтскон вакытэ. Нош кыџе ке дэмланъёсты кылдћзы яке серемес учырды сярысь верамды потћз ке, одно ик учке Лöпшо Педорлэсь «куно книгазэ». Отчы тћ гожтыны быгатоды асьтэлэсь малпанъёстэс. Тужгес но тунсыкооссэ серемес чуръёсты Лöпшо Педор радиосупыльтонын чузъяськытоз. Эн вунэтэ, сое кылзыны луэ котькуд шутэтскон нуналъёсы «Мынам Удмуртие» радиолэн тулкымъёсыз вылын (100.1 FM) «Лымшор бере – ваньмон дыръя» передачаын. Озьы ик со эфире потэ котькуд вордћськон но удмуртарня џукнаосы. «Лöпшо Педор» радиоверанэз дася, серемес учыръёсты утча, ас сяменыз гожтэ, џемысь ачиз ик малпалля та передачаез кылдытћсь Фёдор Миннигараев, аспöртэмлыко куараосты утчаса, радиоверанэз шулдыртэ режиссёр Роман Гусев. Радиосупыльтонлэн кутсконаз но пумаз чузъяськись крезьгур но солэн ужамезлэн емышез. Та крезьгурез кылдытонэ «Мынам Удмуртие» радиоысь вань удмурт ужасьёс пыриськиллям. Тодмаськоды, луоз, Алексей Слесаревлэсь Лöпшо Педор шуыса мыло-кыдо кесяськемзэ? Кин ке сое Алексей Ложкинэн сура. Тросэз радиокылзћсьёс «Лöпшо Педор» радиосупыльтонлэн кутсконаз но пумаз чузъяськись крезьгурлы синмаськемзэс верало. Соин ик матысь дыре та крезьгурез Лöпшо Педорлэн интернет-сайтаз интыяны чакламын. Котькудћз мылкыд карись сое аслаз сотовой пелепоназ (мобильниказ) пуктыны быгатоз. Соку Лöпшо Педор тћледыз џемгес ёртоз, мылкыддэс нуналлы быдэ љутоз. Озьыен, пыралэ куное! газета "Удмурт Дунне", № 045-046 (23993-23994) от 30 марта 2007 года, Елена Васильева