Комсь иеть ютасть, кода финнэнь-угрань писательтне пурнавкшность Марий Элэнь прявт ошов, Йошкар-Олав, эсь васенце Международной конгрессэзэст. Ды вана ней, сентябрянь 10-13-це читнестэ, Мордовиянь делегациясь якась те ошонтень уш X-це конгрессэв. Алтазель сон финнэнь-угрань раськетнень литератураст вандынь чинтень, од сермадыцятненень. Ламо мезе полавтовсь неть комсь иетнень перть. Ды весе теде ледстнезь, свал арсема икелепелень эрямодонть, секскак, паряк, ероков сермадыцятнень вакссо ульнесть ламо од литераторт.
Маринь модась неть читнестэ вастась малав 200 инжеть Венгриясто, Финляндиясто, Эстониясто, Литвасто, Франциясто, Чехиясто, Германиясто ды Россиянь ламо таркатнестэ, косо эрить финнэнь-угрань раськетне.
Экше перть-пельксэнть лангс апак вано, ошось марявсь лембекс ды килангонь сиземаськак сеске тусь. Алкукскак, вадрят азортнэ тосонь эрицятне, седейга вастыть сыцятнень. Те редявсь эрьва чистэ. Школатнесэ ды университетсэ, косо сермадыцятне вастовсть тонавтницятнень марто; библиотекасо ды театрасо, косо ютавтовсть выставкатне ды пленарной заседаниятне…
Конгрессэсь эсь тевензэ ушодызе сентябрянь 11-це чистэ, заседаниянть панжизе Финнэнь-угрань литературатнень международной ассоциациянь Президентэсь Арво Валтон. Сон содавтынзе инжетнень ды делегаттнэнь президиумонть марто ды арсесь весенень неть читнестэ вадрясто ды лезэвстэ важодемс. Ламо лембе валт евтасть Марий Элэнь Президентэсь Л.И.Маркелов, Финнэнь-угрань раськетнень международной консультативной комитетэнь председателесь В.П.Марков, Писателень союзонь международной сообществань секретаресь, Алтаень писателень организациянь правлениянь председателесь Б.Я.Бедюров ды ламот-ламот лият.
Омбоце чистэнть тевесь поладовсь секциятнесэ: прозань, поэзиянь, драматургиянь, художественной ютавтомань, издательской тевень, эйкакштнэнь туртов литературань. Эрьвась ютавтовсь мелень путозь, лезэнь кандозь. Кортавсь од енкстнэде, конат редявить минек литературатнесэ, тешкставсть топавтозесь ды асатыкстнэ.
Сехте покшоль художественной ютавтомань секциясь. Ды тень, эряви меремс, веши сонсь течинь чись, зярдо явови покш мель кода эрьва башка раськентень, истя сынст малавгадомантеньгак. Кортамось секциясонть мольсь башка ютавтовкстнэдеяк, весе тевтеемадонтькак. Истя, венгрань ютавтыцясь Каталин Надь, кона умок уш топавты те тевенть, евтнесь одтнэнень эсензэ важодемань лувдонть, кода сон байгень-байге чудевти произведениянть кельстэ кельс ды кода бажи ванстомс ютавтовиця произведениянь келенть весе сюпавчинзэ. Арво Валтон содавтынзе весень сеть книгатнень марто, конат меельце иетнестэ нолдавсть Эстониясо. Неть сериятнес совасть финнэнь-угрань автортнэнь башка ды вейсэнь пусмост.
Меельце чистэнть ютась III-це пленарной заседаниясь, косо ловнызь докладост секциянь руководительтне ды кемекстазель Конгрессэнь резолюциясь. Ветясь заседаниянть В.И.Мишанина, мокшонь содавикс драматургось, Финнэнь-угрань литературатнень международной ассоциациянь вице-президентэсь.
Пленарной заседаниятнеде башка, ютавтовсть книгань ды фотографиянь выставкат, конатнесэ невтезельть Мордовиясто важодевксткак. Истя, ламот мельспаросо лотксесть Мордовиянь фотокорреспонденттнэнь Н.Ишуткинэнь, Э.Ретунскиень, Г.Арефьевень фотографияст икелев.
Прядовсь X-це Конгрессэсь, кавто иень ютазь учотано XI-центь. Сон карми ютамо Хельсинкисэ ды алтави художественной ютавтомантень.
Маринь модась неть читнестэ вастась малав 200 инжеть Венгриясто, Финляндиясто, Эстониясто, Литвасто, Франциясто, Чехиясто, Германиясто ды Россиянь ламо таркатнестэ, косо эрить финнэнь-угрань раськетне.
Экше перть-пельксэнть лангс апак вано, ошось марявсь лембекс ды килангонь сиземаськак сеске тусь. Алкукскак, вадрят азортнэ тосонь эрицятне, седейга вастыть сыцятнень. Те редявсь эрьва чистэ. Школатнесэ ды университетсэ, косо сермадыцятне вастовсть тонавтницятнень марто; библиотекасо ды театрасо, косо ютавтовсть выставкатне ды пленарной заседаниятне…
Конгрессэсь эсь тевензэ ушодызе сентябрянь 11-це чистэ, заседаниянть панжизе Финнэнь-угрань литературатнень международной ассоциациянь Президентэсь Арво Валтон. Сон содавтынзе инжетнень ды делегаттнэнь президиумонть марто ды арсесь весенень неть читнестэ вадрясто ды лезэвстэ важодемс. Ламо лембе валт евтасть Марий Элэнь Президентэсь Л.И.Маркелов, Финнэнь-угрань раськетнень международной консультативной комитетэнь председателесь В.П.Марков, Писателень союзонь международной сообществань секретаресь, Алтаень писателень организациянь правлениянь председателесь Б.Я.Бедюров ды ламот-ламот лият.
Омбоце чистэнть тевесь поладовсь секциятнесэ: прозань, поэзиянь, драматургиянь, художественной ютавтомань, издательской тевень, эйкакштнэнь туртов литературань. Эрьвась ютавтовсь мелень путозь, лезэнь кандозь. Кортавсь од енкстнэде, конат редявить минек литературатнесэ, тешкставсть топавтозесь ды асатыкстнэ.
Сехте покшоль художественной ютавтомань секциясь. Ды тень, эряви меремс, веши сонсь течинь чись, зярдо явови покш мель кода эрьва башка раськентень, истя сынст малавгадомантеньгак. Кортамось секциясонть мольсь башка ютавтовкстнэдеяк, весе тевтеемадонтькак. Истя, венгрань ютавтыцясь Каталин Надь, кона умок уш топавты те тевенть, евтнесь одтнэнень эсензэ важодемань лувдонть, кода сон байгень-байге чудевти произведениянть кельстэ кельс ды кода бажи ванстомс ютавтовиця произведениянь келенть весе сюпавчинзэ. Арво Валтон содавтынзе весень сеть книгатнень марто, конат меельце иетнестэ нолдавсть Эстониясо. Неть сериятнес совасть финнэнь-угрань автортнэнь башка ды вейсэнь пусмост.
Меельце чистэнть ютась III-це пленарной заседаниясь, косо ловнызь докладост секциянь руководительтне ды кемекстазель Конгрессэнь резолюциясь. Ветясь заседаниянть В.И.Мишанина, мокшонь содавикс драматургось, Финнэнь-угрань литературатнень международной ассоциациянь вице-президентэсь.
Пленарной заседаниятнеде башка, ютавтовсть книгань ды фотографиянь выставкат, конатнесэ невтезельть Мордовиясто важодевксткак. Истя, ламот мельспаросо лотксесть Мордовиянь фотокорреспонденттнэнь Н.Ишуткинэнь, Э.Ретунскиень, Г.Арефьевень фотографияст икелев.
Прядовсь X-це Конгрессэсь, кавто иень ютазь учотано XI-центь. Сон карми ютамо Хельсинкисэ ды алтави художественной ютавтомантень.
"Эрзянь правда"
