26 сентября в 18.00 в ДК «Аксион» состоится юбилейный концерт, посвященный 60-летию со дня рождения заслуженного артиста Российской Федерации и Удмуртской Республики Михаила Тимофеевича Ворончихина - солиста и администратора Удмуртского государственного театра фольклорной песни «Айкай». Михаил Тимофеевич вордћськемын 1947 арын 3-тћ мартэ (оштолэзе) Глаз ёросысь Качкашур гуртын. Ленинградысь Римский-Корсаков нимо консерваторилэн крезьгуръя училищеяз крезьгур комедиосын шудћсь артистлы дышетскыса, вордћськем шаераз бертћз но кырњаз Удмурт крезьгуро драмтеатрын, «Италмас», «Шулдыр љыт» но «Арганчи» ансамбльёсын. Берпуметћ аръёссэ калык эктонъя но кырњанъя «Айкай» фольклор театрын солист но администратор луыса ужа. Школаын пичи Миша капчиен дышетскылћз, математикаез зол валалляз - наукаосын но вырыны, пе, быгатысал. Нош быдэ вуэмъяз, моряк луэмез потыны кутскем: гороскопъя Михаил Тимофеевич - чорыг, вуэз, пе, туж яратћсько, солы быремын - џќж кадь. Зарезез, шурез адње ке - отчы выйыны дась. Училище бере армие басьтыкузы, Морфлотэ куриськиз ке но, келязы Москваысь Кремльлэн полказ. Али но Михаил Тимофеевич вера, артист ке, пе, солэсь ќй пќрмысал, одно ик моряк луысал. Ма кыџе моряк лоуз ини Удмурт шаерын? Вордћськем палъёсаз Чупчи шур дуре шутэтсконни юрт, пе, усьтысал но лыктэм адямиосты пыжен уятысал. «Зэмзэ верано ке, - мылкыдзэ шарая Михаил Ворончихин, - мыным кулэ зарезь яке степь - паськыт, вќл-вќл, котыр инвис мед адњиськоз; нюлэс монэ пачкатэ, вие, омыр уг тырмы… Тани пенсие потћ ини, куке артист луон ужме куштћ ке, уж бергато - мынам со вирам: базартћ ву дуртћ кадь ортчисько. Пинал дыръям Глазове курегпуз, йќл, мукет чыры-пырыосты вузаны ветлћ - пичиысен ик мон «купи-продай». 1990-тћ аръёслэн кутсконаз «челнокъёсын» џош базарын вузаськыса но сылћ. Татын сылыкум ик, баянист Николай Широких монэ «Айкае» ќтиз». Арми бере театре бертыны Михаил Ворончихинлэн мылкыдыз ќй вал ни: отын, пе, классической спектакльёс трос пукто, артист славян ымныро луыны кулэ. Нош мон, пе, кин - њуч но, удмурт но ќвќл, оло бигер, оло казах, оло китаец-кореец? Ымнырыя, пе, быдэс дуннеысь калыклы кельшисько, со дыре ик нокинлы но уг тупаськы - тусыным трос грим тыроно луэ. Соин ик «Италмасэ» кошкиз но дас ар отын ужаз. Сцена вылын профессионал луэмед потэ ке, ваньзэ быгатыны кулэ: артистлэн верамезъя, кырњанэз кык октава кыскыны одно ик быгатоно - коть тенор, коть баритон, коть бас тон лу. Кырњан чебер пќрмоз, умой ке пуктэмын куараед но шоканэд - кырњась шќдыны кулэ омырлэсь шокантћ тубемзэ: вылћ нотаосты кыскыку, куддыръя омыр, жон-н!!! шуыса ик, йыре но сётэ. Ваньзэ тае ќд лэсьты ке, тон кырњась, пе, уд луы. Нош Михаил Ворончихинлэн, арлыдъёсыз шоры учкытэк, ваньмыз со вань. Артист 60 аресаз выжиз ни ке но, кырњаны одћг но кужмысь уг тыршы - куараез ачиз кошке. Ма, кызьы уз кошкы? «Кќня улћсько, весь куараме утисько, - валэктэ Михаил Тимофеевич. - Ыль курегпуз юон - со супыльтон. Тани џукна уж дурын мынэсьтым юало: чечыен чай юод-а? Уг, шуисько, туннэ кырњано. Тодоно, ку но мае сиёно-юоно. Тамак ноку кыскеме ќвќл - кќш потэ». Михаил Тимофеевичлы тужгес но зол кельшо њуч калык но итальян гуръёс, пинал дыръяз оперной ариосты но романсъёсты ќзгес яратылы, нош али самой яратоноосыз луо. Азьло концертъёсын Ворончихинэз џемгес но тќдьы костюмен адњыны луэ вал. Тани ма со пумысен шуэ ачиз кырњась: «Калык дышемын монэ тќдьы костюмен адњыны: мон малпасько, удмурт дћсь мыным чик уг тупа, тросэз учкисьёс но озьы шуо. Со костюмме ачим миськисько но, гладить но карисько: одћг пол сетћ вал но - сутћзы. Табере, штани кукъёсме сапег сќзы улэ ватыса, сцена вылэ потоно луэ ини. Улонын мон франт ќвќл - сцена вылын гинэ сыџе коштан, кильтырес». 26 октябре (коньывуонэ) ортчись концертын яратоно артистмы выль косюмен луоз - горд но тќдьы пужыё удмурт дэремен: вылаз туж чебер но йќно пуке. Михаил Ворончихин сћё-дано артист луиз ке но, кык пиоссэ ас сюрестћз мыныны ќз лэзьы: «Артист луон - солэн данэз гинэ вань, уксёез туж ќжыт, шутэтскон нуналъёс ортчо питыран вылын. Со бадњым чидан кузпалъёслы но, нылпиослы но, эшъёслы но - вань џыжы-выжыослы. Мон одћг сюанэ но ќй вуы… Атайме ватћ ик, нош анае кулэм сярысь телеграмма ватон нуналаз гинэ мон доры вуиз...» Бадњымез пиез туж умой эктэ вал, нош атаез шуиз: «Сьќрамы ветлыса адњиськод ук, кыџе эктћсьёс курадњо. Сцена вылын ужаса, сачыр-сачыр котмо, собере кынманы шедё, вылтыразы зуректонъёс но пото…» Михаил Тимофеевич юбилейзэ оштолэзьлэн кутсконаз пусйиз вал, нош бенефиссэ коньывуонлэн пумаз радъям. Малы озьы луэмез сярысь артист валэктћз: «Ку мылы потэ, соку ик радъясько. 2007-тћ ар мон понна быдэс юбилейной луэ - со мынам аре. Нош серекъятэк верано ке, тулыс коллективысьтымы кык адямиос сћё-дано лыдпуссэс - 60 арес тырмонзэс пусйизы: мон но Евгений Серебренников, висмы куать нунал гинэ луиз. Евгений Георгиевич бенефиссэ тулыс радъяз, нош мон сћзьыллы кельтћ. Тулыс сотэк но трос концертъёсмы. Гужем сярысь ке верано, соку учкись калык ќжыт луэ - ваньмыз отпускын: кин сад-бакчаяз ужа, кин зарезь дуре яке кунгож сьќры шонтэ… Сћзьыл радъям концертъёсын калык быдэс зал люкаське, тани билетъёс зур! гинэ кошкизы…» Гажано учкисьёссэ Михаил Ворончихин лулысь-сюлмысь ќтча ас концертаз (билет дунъёс - 150-300 манет). Нош ми, «Выжыосмы» удмурт кылын бамез дасясьёс но лыдњисьёс, лулысь-сюлмысь ик њечкыласькомы Михаил Тимофеевичез 60 арес тырмонэныз. Концертъёсады калык котьку пачыл мед луоз - одћг пукон интыез но медаз кыльы, вань билетъёс мед вузаськоды, љыт кузьмам сяська керттэтъёс быдэс воз мед люкаськозы. В школе Михаил Тимофеевич учился хорошо, особенно легко давалась математика, - наверное, мог бы стать и ученым. В юности мечтал служить в Морфлоте, но забрали в Кремлевский полк. Ему уже 60, но он без каких-либо усилий исполняет оперные арии, романсы, - как говорит артист, они сами из него льются. «Если по возрасту придется уйти из ансамбля, наверное, займусь бизнесом. Я ведь с малолетства «купи-продай»: на рынке города Глазова то яйца, то капусту, то картошку-моркошку, молоко, сметану продавал. А в перестроечные 1990-е годы вместе с челноками на Центральном рынке стоял…» Газета "Известия Удмуртской Республики" (Удмуртская Республика) от 23 октября 2007 года, Нина Соловьева