«Морко кундемын эргыже» Марий поэтым Валентин Колумбым шарныме лӱмеш кажне ийын почеламут лудмаш эрта. Тыге 27 майыште Морко тӱвыра полатыште Колумб лудмаш эртен. Моло ий дене таҥастарымаште тений лудмашке шуко еҥ ушнен. Палемдаш лиеш, 70 наре тӱрлӧ ийготан ӱдыр-рвезе-влакым таҥасымашке ушен. Нуно тӱрлӧ темылан возымо почеламутым, поэмым, мурым йонгалтареныт, сценкым модын ончыктеныт. Пырдыж газетым ямдыленыт. Конкурсым 3 номинаций дене иктешленыт. Тыге почеламутым лудмаште Коркатово школ ойыртемалтын, пырдыж газетым Нурӱмбал школ тунемше-влак чаткан сӧрастареныт. А Колумблан пӧлеклалтше марий мурым йоҥгалтарымаште Хасатрян Нарек икымше верым сеҥен налын.
Аня Левагина, Mari-el.name
