Таче нимын тунсыко ужрад ортчиз Дэри ёросысь Казмас шор ёзо школаын. Татысь дышетисьлэн Антонина Веретенниковалэн тыршеменыз радъямын бадзым адзытон. Отын удмуртъёслэн улоназы портэм учыръёсы кутиськись чушконъёс возьматисько. Ужрадэ пыриськизы Дэри ёросысь сие-дано нылкышноос, «Чагыр дыдык» клублэн ёзчиосыз, лулчеберет удысын тыршисьёс, гурт калык но дышетскись пиналъёс.
Казмас школаын та вакытэ портэм калыкъёслэн кылъёссылы сизем декада мынэ. «Пужъятэм удмурт чушкон» ужрад но чапак со улсын ортче. Удмуртъёслэн кемалась дырысен котькуд нунал кутиськись чушконъёссы сяна, вал на нимаз-нимаз учыръёсы кулэ луисьёсыз. Лымшор пал но уйпал удмуртъёслэн соос висъясько. Пуктэм пужыоссыя но кутэм буёлъёссыя. Казмасъёс та пумиськонэ асьсэ палась чушконъёсты возьмато, соослэн кутиськемзы сярысь верало. Тросэз со чушконъёс туннэ песянайёслэн шыкысъёсазы ас вакытсы сярысь тодэ-ваенъёсты утьыса кыллё. Туннэ 70 аресъем песянайёс соосты пинал дыръязы асьсэос куылизы на вал. Соос понна со ортчем дырзы кадь дуно. Нош егитъёслы тросэз сярысь вераны быгато. Со понна ик малпай та ужрадэз, шуэ удмурт кылъя но литературая дышетись Антонина Веретенникова.
Казмас школаын та вакытэ портэм калыкъёслэн кылъёссылы сизем декада мынэ. «Пужъятэм удмурт чушкон» ужрад но чапак со улсын ортче. Удмуртъёслэн кемалась дырысен котькуд нунал кутиськись чушконъёссы сяна, вал на нимаз-нимаз учыръёсы кулэ луисьёсыз. Лымшор пал но уйпал удмуртъёслэн соос висъясько. Пуктэм пужыоссыя но кутэм буёлъёссыя. Казмасъёс та пумиськонэ асьсэ палась чушконъёсты возьмато, соослэн кутиськемзы сярысь верало. Тросэз со чушконъёс туннэ песянайёслэн шыкысъёсазы ас вакытсы сярысь тодэ-ваенъёсты утьыса кыллё. Туннэ 70 аресъем песянайёс соосты пинал дыръязы асьсэос куылизы на вал. Соос понна со ортчем дырзы кадь дуно. Нош егитъёслы тросэз сярысь вераны быгато. Со понна ик малпай та ужрадэз, шуэ удмурт кылъя но литературая дышетись Антонина Веретенникова.
Ольга Ведрова, «Мынам Удмуртие» радио
