26-ти посьтолэзе Удмуртиысь калык писательлэн Трофим Архиповлэн вордскемез дырысен 100 ар тырмиз. Вордскем нуналыз азьын, Удмуртиысь писательёслэн огазеяськонзылэн ёзчиосыз, журналистъёс, шайвылаз ветлыса сое буре ваизы, сяська керттэт понизы. Нош юбилеезлы сизем сиё-дано ужрад ортчоз сизьыл, писательлэн вордиськем Можга ёросаз.
Удмуртиысь калык писатель Трофим Архипов вордиськемын азьвыл Пычас али Можга ёросысь Выль Бия гуртын. Со ас вакытаз гожъямъёсыныз удмурт чеберлыко литератураез шодскымон азинтиз. Нимыз лыдзисьёслы тужгес но тодмо луиз Быдзым тылож бере, удмурт гуртысь нянь будэтисьёс, Кам шур вылэ гидроэлектростанци лэсьтисьёс сярысь бадзымесь романъёсыз, гурт улонэз возьматись веросъёсыз, очеркъёсыз но мукет гожъямъёсыз потэм бере. Соос полын «Лудзи шур дурын», «Адямилэн чеберез» романъёс, «Ортчеменыз пумиськон», «Вормы астэ ачид» повестьёс. Солэн произведениосыз школаын дышетон программаосы пыртэмын. Трофим Архипов, творчествоен вырем сяна, мыло-кыдо пыриськиз мерлыко улонэ но. Уно аръёс чоже Удмуртиысь писательёслэн огазеяськонзылэн правлениезлэн ёзчиез, 12 ар чоже Удмуртиысь Выли Кенешлэн депутатэз вал.
Удмуртиысь калык писатель Трофим Архипов вордиськемын азьвыл Пычас али Можга ёросысь Выль Бия гуртын. Со ас вакытаз гожъямъёсыныз удмурт чеберлыко литератураез шодскымон азинтиз. Нимыз лыдзисьёслы тужгес но тодмо луиз Быдзым тылож бере, удмурт гуртысь нянь будэтисьёс, Кам шур вылэ гидроэлектростанци лэсьтисьёс сярысь бадзымесь романъёсыз, гурт улонэз возьматись веросъёсыз, очеркъёсыз но мукет гожъямъёсыз потэм бере. Соос полын «Лудзи шур дурын», «Адямилэн чеберез» романъёс, «Ортчеменыз пумиськон», «Вормы астэ ачид» повестьёс. Солэн произведениосыз школаын дышетон программаосы пыртэмын. Трофим Архипов, творчествоен вырем сяна, мыло-кыдо пыриськиз мерлыко улонэ но. Уно аръёс чоже Удмуртиысь писательёслэн огазеяськонзылэн правлениезлэн ёзчиез, 12 ар чоже Удмуртиысь Выли Кенешлэн депутатэз вал.
ТРК "Моя Удмуртия"
