Удмурт кун университетысь студентъёслэн «Чипчирган» ансамбльзы эшъёссэ бадзым концертэ люказ. Дышетсконнилэн залаз чузъяськизы удмурт кышномуртъёслэн кырзанъёссы, армие келян гуръёс, озьы ик, егитъёс возьматизы мукет выжы калыкъёслэсь лулчеберетсэс.
Удмурт кышномурт мылкыдзэ жутэ кырзанъёс пыр, солэн гуръёстэк шутэтскемез но ужамез но уз луы. Крезьгурлэсь кужымзэ валаса, калык кемалась дырысен ни нуны веттан, муш утён гуръёс малпаз. Нош али соос улонын туж ик паськыт волмемын овол, соосты утьыса возё «Чипчирган» ансамбльысь егитъёс.
ОЛЬГА ЕВСЕЕВА "ЧИПЧИРГАН" АНСАМБЛЬЫН КЫРЗАСЬ: «Тани ми портэм районын кырзанъёсты люкаськом, озьы ик уйпал удмуртъёслэсь».
Ольга Евсеева «Чипчирганэ» нырысети арзэ ветлэ. Егитъёслэсь кырзам- эктэмзэс адзыса, мылкыдыз бурдъяськиз. Солэн чыжы- выжыосыз нимысьтыз Алнаш ёросысь Ижкаре вуизы — пичи сузэрзылэсь кырзам- эктэмзэ дунъяны.
ВАСИЛИЙ ЕВСЕЕВ АГАЕЗ: «Али со нырысети арзэ дышетскыны пыриз ай. Школаын дышетскыкуз кырзалляз вал тазьы».
4-эн эктонэз егит артистъёс Пичи Пурга ёросын синйылтизы. Нылъёслы тэтчаны юрттэ Игорь Ешкеев. Туэ пияш университетсэ йылпумъя, пичияк жалян мылкыдыз шодске — та ансамбль солы троссэ сётиз, нош туэ люкиськоно луоз. Басьтэм быгатонлыкъёссэ пычатыны тырше покчиослы.
ИГОРЬ ЕШКЕЕВ "ЧИПЧИРГАН" АНСАМБЛЬЫН КЫРЗАСЬ: «Чипчирганын шудисько мон арганэн. кырзан- уг кырзаськы, арганэн шудисько ваньзэ, 3-4 эктонмы милям. Мон татын ял карисько, шутэтскиськои эшъёсы возамэ».
Сцена вылын чузъяськизы финн- угор калыкъёслэн кырзанъёссы но. Мукет улосъёсы, кунгож сьоры потало ке, егит артистъёс тыршо выжы калыкъёслэсь но лулчеберетсэс валаны. Та кырзанъёсты шонер быдэстон понна, соос дышетскизы быдэс ар чоже.
Концертлэн одиг люкетэз сиземын — пиослы. Данил Федоров но Николай Анисимов Кияса ёросысь вордскем гуртысьтызы люказы армие келян гуръёсты. «Чипчирган» ансамбль бордын тыршо унивеситетысь трос тодосчиос. Чошен ужаса соос, тросгес но тросгес кылзисьёсты бордазы люкало. Чипчирганэз кылдытись — Розита Андриянова пусйиз — ансамбль 30 арлэсь кема улэ ни, но одиг залэ та мында егит учкисьёс та дырозь люкаськемын ой вал на. Кышномурт шумпотэмзэ вераз -солэн кутскем ужез туала егитъёслы кулэ луиз, удмурт лулчеберетэз гажасьёслэн лыдзы будиз.
Матысь дыре «Чипчирган» ансамбльысь егитъёсты возьмало Екатеринбургын. Соос пыриськозы дышетсконниос полын ортчись фестивале.
Удмурт кышномурт мылкыдзэ жутэ кырзанъёс пыр, солэн гуръёстэк шутэтскемез но ужамез но уз луы. Крезьгурлэсь кужымзэ валаса, калык кемалась дырысен ни нуны веттан, муш утён гуръёс малпаз. Нош али соос улонын туж ик паськыт волмемын овол, соосты утьыса возё «Чипчирган» ансамбльысь егитъёс.
ОЛЬГА ЕВСЕЕВА "ЧИПЧИРГАН" АНСАМБЛЬЫН КЫРЗАСЬ: «Тани ми портэм районын кырзанъёсты люкаськом, озьы ик уйпал удмуртъёслэсь».
Ольга Евсеева «Чипчирганэ» нырысети арзэ ветлэ. Егитъёслэсь кырзам- эктэмзэс адзыса, мылкыдыз бурдъяськиз. Солэн чыжы- выжыосыз нимысьтыз Алнаш ёросысь Ижкаре вуизы — пичи сузэрзылэсь кырзам- эктэмзэ дунъяны.
ВАСИЛИЙ ЕВСЕЕВ АГАЕЗ: «Али со нырысети арзэ дышетскыны пыриз ай. Школаын дышетскыкуз кырзалляз вал тазьы».
4-эн эктонэз егит артистъёс Пичи Пурга ёросын синйылтизы. Нылъёслы тэтчаны юрттэ Игорь Ешкеев. Туэ пияш университетсэ йылпумъя, пичияк жалян мылкыдыз шодске — та ансамбль солы троссэ сётиз, нош туэ люкиськоно луоз. Басьтэм быгатонлыкъёссэ пычатыны тырше покчиослы.
ИГОРЬ ЕШКЕЕВ "ЧИПЧИРГАН" АНСАМБЛЬЫН КЫРЗАСЬ: «Чипчирганын шудисько мон арганэн. кырзан- уг кырзаськы, арганэн шудисько ваньзэ, 3-4 эктонмы милям. Мон татын ял карисько, шутэтскиськои эшъёсы возамэ».
Сцена вылын чузъяськизы финн- угор калыкъёслэн кырзанъёссы но. Мукет улосъёсы, кунгож сьоры потало ке, егит артистъёс тыршо выжы калыкъёслэсь но лулчеберетсэс валаны. Та кырзанъёсты шонер быдэстон понна, соос дышетскизы быдэс ар чоже.
Концертлэн одиг люкетэз сиземын — пиослы. Данил Федоров но Николай Анисимов Кияса ёросысь вордскем гуртысьтызы люказы армие келян гуръёсты. «Чипчирган» ансамбль бордын тыршо унивеситетысь трос тодосчиос. Чошен ужаса соос, тросгес но тросгес кылзисьёсты бордазы люкало. Чипчирганэз кылдытись — Розита Андриянова пусйиз — ансамбль 30 арлэсь кема улэ ни, но одиг залэ та мында егит учкисьёс та дырозь люкаськемын ой вал на. Кышномурт шумпотэмзэ вераз -солэн кутскем ужез туала егитъёслы кулэ луиз, удмурт лулчеберетэз гажасьёслэн лыдзы будиз.
Матысь дыре «Чипчирган» ансамбльысь егитъёсты возьмало Екатеринбургын. Соос пыриськозы дышетсконниос полын ортчись фестивале.
Елена Фролова, «Мынам Удмуртие» телеканал
