Россий экологий министерстве да Марий Эл виктер темлымаш дене лектыныт. Заповедник воктенсе 13 гектар кумдыкым аралаш налаш ойым пидын. Темлымашым лончылымек, Россий премьер заповедник кумдыкын чекшым палемдыме нерген кӱштымашым пеҥгыдемден. Заповедник кумдыклан йодмаш кугу лиеш. Тушко пураш-лекташ огеш лий, тыгак сонарышке кошташ да емыж-саскам погаш огеш лий. Ушештарена, «Кугу Какшан» кугыжаныш заповедникште 20 эҥер йоген эрта. Чодыраште 46 тӱрлӧ янлык, 150 тӱрлӧ кайык ила, 600 утла кушкыл кушкеш. Икмыняр кушкылжо да янлыкше Йошкар Книгашке пурталтыныт.
Аня Левагина, Mari-el.name