Коми Республикаса Юралысь Владимир Торлопов сентябрь 1-öд лунö паныдасьлiс Сыктывкарса государственнöй университетса студентъяскöд. Кыдзи юöртiсны республикаса веськöдлан котырлöн пресс-службаын, Юралысь тöдчöдiс, мый 2009-öд восö республикаын сиасны коми кывлы. Та кындзи, Владимир Торлопов тöдмöдiс медшöр вöзйöмъясöн, кодъясöс öнi видлалö правительство. Юралысь бердса искусствояслöн Гимназиялы вöзйöны сетны войтыркостса велöдчанiнлысь статус, кöнi кутасны велöдчыны финн-йöгра войтырлöн енбиа челядь. Сiдзжö, эм вöзйöм лöсьöдны финн-йöгра регионса университетъясöн веськöдлысьяслысь Сöвет. Сёрни помын Владимир Торлопов вочавидзис студентъяслöн юалöмъяс вылö. Велöдчысьяс юасисны суер сайын стажировка йылысь, гырысьджык курсъясысь студентъясöс майшöдлiсны уджкöд йитчöм юалöмъяс.
Коми народное радио
