Мадьяр калык выжыкылъес удмурт семьяосысь нылпиос дорын куноын. Ижкарысь "Шудон корка" клублэн туэ сизьыл понна нырысети жытэз Кузебай Герд нимо нылпи садын ортчиз. Отчы ветлись пиналъеслы но соослэн анай-атайессылы элькунамы Венгриысь куное вуэм кузпалъес Тиллари Габор но Вайда Жужа муне спектакль дасязы. Возьматон мадьяр кылын ке но мыниз, удмурт покчиослы актеръесын чош выжыкылэ пыриськыны со чик но оз люкеты.
Удмурт кылэ берыктыса "Инбамозь сузись писпу" муне спектаклен вуизы нылпиос доры Венгриысь куноос. Мадьяр выжыкыллэн пуштросэз огшоры — со эксейлэн, солэн нылызлэн но кышкасьтэм эмеспилэн сьод кужымъесын нюръяськонзы сярысь мадес. Асьме дорысь артистъеслэсь кунгож сьор актеръеслэн шудэмзы трослы висъяське. Мадьяр калык муне театрын нылпиос тэк уг пуко вылэм. Соос асьсэос выжыкылэ пырысько.
АНАСТАСИЯ ПЕТРОВА, "ШУДОН КОРКА" КЛУБЛЭН КИВАЛТИСЕЗ: «Таче спектакльес, шудонъес туж паймымон удмурт адямиос понна, малы ке шуоно таче шомъем спектакльес, асьмелэн уг луыло. Милям потэ вал возьматыны мукет сямен но луэ шудыны шуса».
Кузпалъес Тиллари Габор но Вайда Жужа спектакльесазы дискъесы гожтэм гуръесты уг куто. Соосын пуктэм выжыкылъес котьку но узырмытэмын калык крезьгуро инструментъеслэн куараосынызы. Актеръеслэн чакламзыя, озьы пиналъес полы пыча калык лулчеберет. Вань выросъессы зэмос улонлы тупаны кулэ. Тылпузы но суредамын овол, со зэмзэ ик жуа. Мунеоссы но туала материалъесты кутытэк вуремын.
ТИЛЛАРИ ГАБОР: «Мадьяр калык выжыкылъесты ми котьку но ыжгонлэсь но пулэсь лэсьтэм мунеосты кутыса пуктиськомы. Асьмеос ик лэсьтиськом соосты. Малы ке шуоно инкуазьысь басьтэм материалъес матынгес луо калык выжыкыл дуннелы».
Быдэс спектакль мадьяр кылын ке но мыниз, выжыкылын чем пумиськись кылъес нылпиос понна удмурт кылэ берыктэмын вал. Озьы жытэз радъясьес покчиосты фин-угор выжыысь одигез калыкен тодматизы но соин валче анай кылэз тодазы вайытизы.
НАДЕЖДА СТЕПАНОВА, УДМУРТ НЫЛКЫШНО КЕНЕШЛЭН ТОРОЕЗ: «Ми пиналъесмес удмурт кыллы дышетиськом ке но, нылпи садэ мыныса соос зучомо. И соослэн сыче малпанзы но куд-огъесызлэн кылдэ — малы соос тодьы куака кадь кулэ вераськыны удмурт кылын. И татчы вуыса соос адзе соос огназы овол шуса, вань сыче ик пиналъес, кудъесыз дышето удмурт кылэз».
Удмурт кылэ берыктыса "Инбамозь сузись писпу" муне спектаклен вуизы нылпиос доры Венгриысь куноос. Мадьяр выжыкыллэн пуштросэз огшоры — со эксейлэн, солэн нылызлэн но кышкасьтэм эмеспилэн сьод кужымъесын нюръяськонзы сярысь мадес. Асьме дорысь артистъеслэсь кунгож сьор актеръеслэн шудэмзы трослы висъяське. Мадьяр калык муне театрын нылпиос тэк уг пуко вылэм. Соос асьсэос выжыкылэ пырысько.
АНАСТАСИЯ ПЕТРОВА, "ШУДОН КОРКА" КЛУБЛЭН КИВАЛТИСЕЗ: «Таче спектакльес, шудонъес туж паймымон удмурт адямиос понна, малы ке шуоно таче шомъем спектакльес, асьмелэн уг луыло. Милям потэ вал возьматыны мукет сямен но луэ шудыны шуса».
Кузпалъес Тиллари Габор но Вайда Жужа спектакльесазы дискъесы гожтэм гуръесты уг куто. Соосын пуктэм выжыкылъес котьку но узырмытэмын калык крезьгуро инструментъеслэн куараосынызы. Актеръеслэн чакламзыя, озьы пиналъес полы пыча калык лулчеберет. Вань выросъессы зэмос улонлы тупаны кулэ. Тылпузы но суредамын овол, со зэмзэ ик жуа. Мунеоссы но туала материалъесты кутытэк вуремын.
ТИЛЛАРИ ГАБОР: «Мадьяр калык выжыкылъесты ми котьку но ыжгонлэсь но пулэсь лэсьтэм мунеосты кутыса пуктиськомы. Асьмеос ик лэсьтиськом соосты. Малы ке шуоно инкуазьысь басьтэм материалъес матынгес луо калык выжыкыл дуннелы».
Быдэс спектакль мадьяр кылын ке но мыниз, выжыкылын чем пумиськись кылъес нылпиос понна удмурт кылэ берыктэмын вал. Озьы жытэз радъясьес покчиосты фин-угор выжыысь одигез калыкен тодматизы но соин валче анай кылэз тодазы вайытизы.
НАДЕЖДА СТЕПАНОВА, УДМУРТ НЫЛКЫШНО КЕНЕШЛЭН ТОРОЕЗ: «Ми пиналъесмес удмурт кыллы дышетиськом ке но, нылпи садэ мыныса соос зучомо. И соослэн сыче малпанзы но куд-огъесызлэн кылдэ — малы соос тодьы куака кадь кулэ вераськыны удмурт кылын. И татчы вуыса соос адзе соос огназы овол шуса, вань сыче ик пиналъес, кудъесыз дышето удмурт кылэз».
Екатерина Сунцова, "Мынам Удмуртие" телеканал
