Элькунамы кун кылъёс сярысь катэз кутэм дырысен коня ке дыр ортчыса ни Ижкарын но элькунмылэн мукет интыосаз пумен чемгес син шоры йотылыны кутскизы удмурт кылын гожъямъёс.Удмурт но зуч кылын гожтисько ужъюртъёслэн, вузкаронниослэн нимъёссы, пумен тросгес адзисько сыче гожъямъёс калыкез нуллись транспорт дугдылон интыосын. Кар администрациысь онерчиослэн оскытэмзыя, жоген урам нимъёсты но удмурт кылэ берыктон борды басьтиськозы.
Одиг ласянь со шумпоттэ, мукет ласянь удмурт кыллэсь чеберлыксэ утён сярысь сюлмаськонэ вуттэ. Та ужез вань куронъёсъя быдэстонэз чаклась нокыче ёзэт али овол. Котькудиз ас люкетсэ быдэстэ. Выль нимкылъёсъя но шонер гожъяськонъя орилэн ёзчиосыз но соослы сётэм нимъёсты гинэ берыкто. Комиссилэн та ласянь ужамез сярысь Светлана Белых вераськиз йоскалык политикая министерствоысь онерчиен Раиса Солоненкоен. Кызьы со ивортиз, сураськонъёс медаз кылдэ шуыса зуч кылэ мукет кылъёсысь вуэм кылъёсты ум берыктиське. Кылсярысь, бистро кылэз удмуртэ берыктыны кулэлыкез овол. Но со дыре ик вань ке кылъёслэн удмурт вариантсы, сычеооссэ берыктиськом. Кылсярысь, азьвыл шуиськом вал остановка. Али транспорт дугдылон интыез шуиськомы: дугдылонни. Со выль кыл кадь. Но вал ни со вашкала удмурт словарьёсын. Озьы шуо уйпалъёс. Али лымшоръёс но дышизы ни.
Одиг ласянь со шумпоттэ, мукет ласянь удмурт кыллэсь чеберлыксэ утён сярысь сюлмаськонэ вуттэ. Та ужез вань куронъёсъя быдэстонэз чаклась нокыче ёзэт али овол. Котькудиз ас люкетсэ быдэстэ. Выль нимкылъёсъя но шонер гожъяськонъя орилэн ёзчиосыз но соослы сётэм нимъёсты гинэ берыкто. Комиссилэн та ласянь ужамез сярысь Светлана Белых вераськиз йоскалык политикая министерствоысь онерчиен Раиса Солоненкоен. Кызьы со ивортиз, сураськонъёс медаз кылдэ шуыса зуч кылэ мукет кылъёсысь вуэм кылъёсты ум берыктиське. Кылсярысь, бистро кылэз удмуртэ берыктыны кулэлыкез овол. Но со дыре ик вань ке кылъёслэн удмурт вариантсы, сычеооссэ берыктиськом. Кылсярысь, азьвыл шуиськом вал остановка. Али транспорт дугдылон интыез шуиськомы: дугдылонни. Со выль кыл кадь. Но вал ни со вашкала удмурт словарьёсын. Озьы шуо уйпалъёс. Али лымшоръёс но дышизы ни.
"Мынам Удмуртие" телеканал
