Казьтыштісны афганечӧс

«Юность» спорт дворечын кӧзяеваысь ӧтдор ордйысисны Ухтаысь, Печораысь, Воркутаысь да Емваысь спортсменъяс, ставыс сё сайӧ морт.

Дас квайт-дас сизим арӧса спортсменъяс пӧвстын зарни медаль босьтісны Печораысь Андрей Кургалимов да Интаысь Варвара Дикая.

Дас нёль-дас вит арӧса варччысьяс пӧвстын медвылыс тшупӧдӧ кыпӧдчисны Воркутаысь Кирилл Дегтярь да Алина Петрова.

Дас кык-дас куим арӧсаяс пӧвстын меддона награда шедӧдісны Ухтаысь Даниил Куклинов да Софья Гагорная.

Ӧдйӧ варччисны и дас-дас ӧти арӧса том спортсменъяс. А вермысьяснас лоисны Печораысь Антон Ермолин да Емваысь Олеся Ильина.

Спорт дворечӧ волысьяс ыджыд кыпыдлунӧн видзӧдісны и эстафетаӧн варччысьяс бӧрся. Тані медвынаӧсь вӧлӧмаӧсь Воркутаса ныв-зон. Налы и вичмисны зарни наградаясыс.

Юӧртӧ "Коми му" газет.

Регион: