Зӧрсьӧртын лоӧ скӧт карта

Вермас лоны, мый уджтасыс заводитас пӧртсьыны олӧмӧ мӧд во нин. Видз-му овмӧс да сёян-юан министерствоысь Наталья Колбасюк инвесторъяскӧд воліс нин тайӧ инъясас, кытчӧ кӧсйӧны стрӧитны 1200 юр вылӧ ферма. Зӧвсьӧрт гӧгӧрын зэв уна луд, и тайӧ посёлокыс лыддьӧссьӧ монокарӧн, и водзӧ вылӧ пӧ сылӧн эм сӧвмӧм вылӧ став позянлуныс. Казьтыштам, тавося апрельын видз-му овмӧс республикаса министерство кӧсйысис вайӧдны ас йӧв производствосӧ 100 прӧчентӧдз. Ӧні тайӧ лыдпасыс сӧмын 24 прӧчент. Татшӧм ыджыд планъяссӧ кӧсйӧны пӧртны олӧмӧ не сӧмын республикаса да федеральнӧй бюджетысь воӧм сьӧмӧн, но производствояс выльысь лӧсьӧдӧмӧн да важъяссӧ модернизируйтӧмӧн.

"Юрган" юӧр серти

Регион: